Bizneset rrisin sërish borxhin ndaj tatimeve, arrin në 950 mln euro

08/05/2020 - 07:36

Detyrimet e papaguara të bizneseve u rritën sërish në 2019-n, ku pjesën më të madhe e përbën tatimi mbi vlerën e shtuar (TVSH).

Borxhi tatimor u zgjerua me 9 për qind gjatë vitit 2019, duke arritur vlerën e 117 miliardë lekëve ose rreth 953 milionë euro, raportuan burimet zyrtare të Drejtorisë së Përgjithshme të Tatimeve. Në vlerën e detyrimeve që bizneset i kanë sistemit tatimor është përfshirë edhe vlera prej 13.7 miliardë lekësh, cila është në proces gjyqësor.

Gjatë vitit të kaluar borxhi tatimor ka pësuar një rritje prej neto 9.3 miliardë lekë në krahasim me fillimin e vitit. Por pavarësisht zgjerimit të detyrimeve, Drejtoria e Përgjithshme e Tatimeve ka arkëtuar me forcë 22,5 miliardë detyrime tatimore.

Borxhi tatimor i llogaritur deri më datën 31 Dhjetor 2019 i specifikuar sipas zërave përbërës së tij paraqitet si më poshtë:

Principali i Borxhit me 59 %

Penalitete 35%

Kamatëvonesa 6%.

Kryeson TVSH-ja

Në stokun e borxhit të ndarë sipas llojit të tatimit, TVSH zë peshën më të madhe ne stokun me borxhit me 35% në vlerë 40,4 miliardë lekë, e ndjekur nga Tatim Fitimi me 27% në vlerë 31,6 miliardë lekë, zëri “Të Tjera” me 24% në vlerë 27,9 miliardë lekë.

Sigurimet Shoqërore & Shëndetësore me 13% në vlerë 15,1 miliardë lekë dhe TAP me 2% në vlerë 1,9 miliardë lekë.

Krahasuar me fundin e vitit 2018, gjatë vitit 2019, TAP ka qëndruar në të njëjtin nivel, ndërkohë që TVSH është rritur me 1.1 miliardë lekë, Tatim Fitimi me 1.4 miliardë lekë, Sigurimet Shoqërore dhe Shëndetësore me 1.3 miliardë lekë dhe zëri Të Tjera me 5.2 miliardë lekë.

Në total stokun e borxhit 117 miliardë lekë, borxhi sipas vjetërsisë paraqitet si më sipër ku:

borxhi deri në 3 muaj 5% ndaj totalit të stokut

borxhi nga 3 – 6 muaj 7% ndaj totalit të stokut

borxhi nga 6-12 muaj 7 % ndaj totalit të stokut

borxhi nga 1-2 vjet 14% ndaj totalit të stokut

Borxhi me vjetërsi mbi 2 vjet vlerë 79 miliardë lekë përbën 67% ndaj totalit të stokut

Subjektet pasive kanë 62% të borxhit

Subjektet aktive zënë 38% të numrit total të subjekteve debitore me një vlerë prej 48,4 miliardë lekësh ose 41% të masës totale të borxhit. Ndërsa subjektet pasive zënë 62% të numrit total të subjekteve debitor me një vlerë prej 68,6 miliardë lekë ose 59% të masës totale të borxhit. /Monitor

/portali DurresLajm/

Na bëni like në facebook!: 

Lajme nga e njëjta kategori

Gjergj Buxhuku, Administrator i Përgjithshëm i Konfindustrisë i kërkon ekzekutivit dhe grupit të menaxhimit të krizës kundër Covid-19 rik

Janë rreth 97 mijë punonjës që u është miratuar pagesa prej 40 mijë lekësh si pjesë e paketës së dytë financiare dhe 95 mijë prej tyre e

Shqipëria vlerësohet si një nga shtetet që do ta vuajë më shumë pandeminë e Covid-19 në ekonominë e saj, me një rënie që varion nga -5% s

Çmimet shumë të larta për blerjen e banesave, apartamenteve apo garazheve janë në disnivel të lartë me të ardhurat që kanë shqiptarët.

Shumëkush habitet me numrin e lartë të kafeneve që ka në Shqipëri, që i gjen në çdo cep.

Pandemia e koronavirusit po nxit rritjen e ekonomisë përmes qëndrimit në shtëpi.

Qeveria ka ndryshuar vendimin i cili i hap rrugë aplikimit të bizneseve të mëdha për të marrë kredi të buta në bankat e nivelit të dytë p

Marrëveshja e kredisë me vlerë 139.3 milionë SDR e publikuar në faqen e internetit të Kuvendit të Shqipërisë thotë se interesi i paguar p

Dhoma e Tregtisë së Maqedonisë në një analizë që ka bërë për pasojat e Covid-19 në ekonomi ka krahasuar ndër të tjera të dhënat e numrit

Bashkimi Europian nuk është pjesë e konsultimeve për planin e legalizimit të kanabisit për qëllime mjekësore që prezantoi sot kryeministr