Durrës, regjistrohen 2122 biznese të reja, 1680 të tjerë ulin qepenat (VIDEO)

14/02/2018 - 19:25

   Bashkia e Durrësit e pranon që viti 2018 nuk ka hyrë aq i mbarë sa pritej, as për biznesin e as për konsumatorin.

Të ardhurat e shpenzimet e konsumatorëve janë tkurrur duke u reflektuar menjëherë tek biznesi i vogël, i cili në Durrës, nuk ka shënuar rritje në aktivitetin ekomnomik, por përpiqet të ruajë stabilitetin në një situatë krize.

Abdyl Koka, kreu i Tatim-taksave në bashkinë e Durrësit, gjatë një interviste për DurrësLajm tha se 13 mijë është numri i subjekteve të biznesit të madh e të vogël që operojnë në qytetin bregdetar. Në këtë fillim viti kanë ‘guxuar’ të hapin biznese të reja 125 sipërmarrës, kryesisht biznes i vogël, në tregtinë me pakicë.

Ky numër subjektesh nuk ka shënuar luhatje, duke ruajtur të njëjtin ritëm. 1680 subjekte janë çrregjistruar ose mbyllur në 2017, por 2122 të tjerë janë hapur rishtaz, gjë që tregon se numri i atyre që tentojnë të jenë të suksesshëm në biznes është më i lartë sesa i atyre që mbyllin aktivitetin për arsye nga më të ndryshmet. 74% ose 2/3 e numrit total të bizneseve i përkasin tregtisë, ndërsa pjesa tjetër i përket prodhimit e shërbimeve.

Futja e biznesit të vogël në skemën e TVSH-së duket se ka shkaktuar frikë tek subjektet që operojnë në Durrës. Por deri tani qeveria nuk ka nxjerrë asnjë udhëzim, e për aq kohë sa nuk ka udhëzim për aplikimin e skemës së re ende mbetet e paqartë edhe për vetë administratën tatimore.   

Ndryshimi i pragut të TVSH-së në vitin 2018, ka klasifikuar 12978 subjekte aktive në biznes të madh e të vogël.

Konkretisht, nga ky numër i bizneseve që operojnë sot në Durrës 3410 i përkasin biznesit të madh, atij që e kalon xhiron vjetore prej 2 milionë lekësh në vit. 

Në Durrës operojnë dhe kanë status aktiv:

Ambulantë - 893 subjekte (kryesisht tregtarët e tregut të fruta perimeve dhe atij industrial)

Biznes i madh - 3410 subjekte

Biznes i vogël - 9668 subjekte

Subjekte me status të pezulluar – 2821 në total

Subjekte me status pasiv – 1450 në total

Në vitin 2017:

2122 regjistrime të reja 

1680 subjekte janë mbyllur

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Drejtoria e Përgjithshme e Tatimeve u ka kujtuar edhe një herë subjekteve që dividenti që paguhet brenda datës 20 gusht është 8%.

Euro vazhdon të bjerë në mënyrë të frikshme në kursin e këmbimit valutor.

Monedha e përbashkët eruopiane u rrit edhe gjatë ditës së sotme përkundrejt lekut.

Monedha e përbashkët europiane e ka rinisur sërish javën e nënçmuar përkundrejt lekut vendas.

Ministrja e Financave dhe e Ekonomisë, Anila Denaj pas aksionit të djeshëm në Himarë ku dhe u gjobit një biznes për një faturë të lëshuar

Drejtoria e Përgjithshme e Tatimeve sjell në vëmendje se tatimi mbi dividentin është në shkallën 8%, nëse pagesa kryhet brenda datës 20 g

Hendeku ndërmjet të pasurve dhe të varfërve është rritur më tej në vitin 2018.

Teksa ekonomia po tenton të shkojë drejt dixhitalizimit, mbajtja e parasë cash do të bëhet gjithnjë më e shtrenjtë dhe më e vështirë.

Në periudhën janar-korrik të këtij viti përveç udhëtarëve, tragetet e linjave nga Durrësi kanë transportuar afro 547 mijë ton mallra, ose

Monedha e përbashkët euro u këmbye sot në tregun e këmbimit poshtë kuotës se 121 lekëve duke ju afruar nivelit më të ulët historik të gji