Euro në rënie, tregu i pasigurt nga luhatjet e forta

12/06/2018 - 12:47

Monedha e përbashkët europiane ka pësuar një zhvlerësim të fortë sot ndaj lekut vendas. Sipas kursit zyrtar të Bankës së Shqipërisë, një euro u këmbye sot në nivelin e 126.98 lekëve, rreth 1.36 pikë më pak.

Ekspertët e këmbimit valutor thonë se luhatje të tilla nuk janë mirë për një ekonomi të qëndrueshme.

Aktorët kryesor të tregut argumentojnë se tani janë këmbimet reale të tregut, pasi efektet psikologjike pas deklaratës së Bankës së Shqipërisë se do të ndërhyjë në treg kanë përfunduar.

Aktualisht euro ka rikuperuar pozicionin në treg nga niveli i ulët i këmbimit në 124 lekë. Individët u stimuluan që të blinin në treg dhe ezauruan fondet që kishin.

Sipas aktorëve të tregut mbetet për tu parë në ditët në vijim nëse do të ketë ndërhyrje të Bankës së Shqipërisë, duke tërhequr valutën e tepërt në treg.

Ekspertët thonë se është ende herët për të folur për tendencën, duke qenë se në fundin e kësaj jave përfundon dhe muaji i Ramazanit dhe pritet fluks turistësh nga trevat.

Zhvlerësimi i euros vjen pasi rikuperoi në tregun vendas rreth 4.24 pikë, nga data 6 qershor, kur Banka e Shqipërisë njoftoi planin e saj për të ndërhyrë në tregun valutor me synim ndalimin e rënies së mëtejshme të euros.

Banka e Shqipërisë ndërhyri në treg, pasi euro ra me shpejtësi në maj dhe qershor, duke zbritur më 5 qershor në 124.17 lekë, niveli më i ulët në 10 vjet. Banka tha se kjo rënie ishte e papritur dhe kishte shkuar përtej parashikimeve, duke u ndikuar dhe nga efekti psikologjik i pritshmërive për një rënie të mëtejshme.

Pas ndërhyrjes së bankës, faktori psikologjik u kthye në drejtim të kundërt. Individët nxituan të blinin valutë, në pritje të rritjeje të mëtejshme të euros dhe kjo ndikoi në forcimin e shpejtë të monedhës së përbashkët.

Luhatjet e mëdha kanë bërë që agjencitë e këmbimit valutor të rrisin marzhin e tregtimit në blerje dhe shitje, nga 0.5 lekë, në gati 2 lekë. Një euro mund ta blesh sot mesatarisht në agjencitë valutore me 129.3-130.3 lekë.

Për shkak të kësaj situate, ekspertët e tregut pohojnë se është e vështirë të bëhen parashikime për ecurinë në muajt në vijim, ndonëse tradicionalisht vera është një periudhë kur valutat dobësohen, për shkak të efekteve sezonale nga remitancat dhe prurjet e turistëve, që këtë vit pritet të arrijnë në nivel rekord.

/Monitor/

/portali DurresLajm/

Na bëni like në facebook!: 

Lajme nga e njëjta kategori

Sistemi financiar në vend është treguar joelastik ndaj masave të Bankës së Shqipërisë për deuorizimin të marra në fillim të vitit të kal

E ndërsa INSTAT deklaroi ditë më parë se në total eksportet me Kosovën kanë rënë me afro 20 për qind në Janar, kjo duket se nuk është ndi

Dy kompanitë që fituan të drejtën e koncesionit për aeroportin e Kukësit për një periudhë 35 vjeçare kanë regjistruar së fundmi shoqërinë

Verën e kaluar, pasagjerët që udhëtonin në Shqipëri në fillim të muajit gusht dhe ata që donin të largoheshin në fund të atij muaji u për

Sipas një studimi të fundit, mbi pabarazinë gjinore, diskriminimin dhe institucionet sociale, Shqipëria ka hendek të ulët sip

Qeveria duket se së fundmi ka vendosur të përmbysë modelet e veta të zhvillimit në disa sektorë.

Në të gjitha vendet e Ballkanit Perëndimor përveç Shqipërisë fondet për bujqësinë kanalizohen si mbështetje direkte për fermerët, kryesis

Sado e çuditshme që mund t’ju duket, Po – dashuria kushton.

Shqipëria dhe Mali i Zi u renditën nga Komisioni Europian me borxhin publik më të lartë në rajon për vitin 2018, në raportin periodik për

Çmimet e prodhimeve të stinës, kryesisht perimet dhe zarzavatet pësuan rritje jo të zakonte gjatë muajit janar, teksa INSTAT raportoi se,