Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

FMN: Borxhi i lartë shtetëror kërcënon rritjen ekonomike

09/01/2013 - 16:15

TIRANË- Fondi Monetar Ndërkombëtar përsërit apelin për rrezikun që vjen nga rritja e nivelit të borxhit. Sipas ekonomistëve të FMN-së, vendet që kanë rritur detyrimet shtetërore rrezikojnë të përballen me ngadalësim të rritjes ekonomike dhe me recension. Problemet e rritjes së borxhit që po i vuajnë tashmë shumë vende kanë mbledhur në një panel diskutimi ekspertët e Fondit Monetar dhe shoqërisë ekonomike amerikane në San Diego. 

Ekonomistët arritën në përfundimin se rritja e borxhit është konstatuar në ekonomitë e zhvilluara që prej krizës financiare dhe tashmë ka arritur nivele rekord të paparashikuara. Këto nivele të larta të borxhit përbëjnë një rrezik të madh për rritjen ekonomike. 

FMN sugjeron qeveritë e këtyre vendeve që të marrin masa për të ulur papunësinë dhe nxitur rritjen ekonomike. Pjesë e ndërhyrjeve sipas ekonomistëve mund të jenë edhe ndryshimet fiskale. 

EFEKTET

Shqipëria është një nder vendet që i është adresuar apeli i Fondit Monetar Ndërkombëtar për nivelin e lartë të borxhit. Pak muaj më parë, gjatë vizitës së tij në Tiranë, shefi i misionit të FMN-së Ilahi Naddem rekomandoi uljen e nivelit të borxhit, si kusht për ruajtjen e stabilitetit makroekonomik 

“ Niveli i borxhit mbetet i lartë dhe përbën një risk. Sugjerimi ynë dhe këshilla jojnë ka qenë që për vitin 2012 buxheti duhet të ruajë nivelin e borxhit në po atë nivel ku është edhe këtë vit”, deklaroi shefi i misionit të FMN-së Ilahi Naddem më datë 2.10.2012. 

Apel për uljen e borxhit ka bërë edhe Banka Botërore. Sipas raportit të fundit të saj, Shqipëria duhet ta ulë borxhin minimumi në 40 %, që konsiderohet nivel normal. Por, duket se qeveria do të ndjekë një rrugë të ndryshme nga ajo që sugjerohet nga ekspertët ndërkombëtare. Në fund të 2012-ës, borxhi i vendit arriti në rreth 61 %, ndërsa sipas variantit më të mirë të mundshëm, ky tregues në fund të këtij viti do të prekë 62.6 %, sic është edhe deklaruar zyrtarisht. Por, duke pasur parasysh vitin zgjedhor dhe garancitë që qeveria duhet të japë për KESH-in borxhi pritet të kapërceje në nivele të paparashikuara. 

/portali DurresLajm/

Na bëni like në facebook!: 

Lajme nga e njëjta kategori

Pensioni mesatar në qytet në vitin 2020 shënoi ulje për herë të parë që nga viti 2000 kur ekzistojnë të dhënat zyrtare.

Banka e Shqipërisë do të hedhë në qarkullim brenda gjysmës së parë të këtij viti kartëmonedhën e re të prerjes 10 000 lekë.

Ministria e Drejtësisë zbardhi se plani i veprimit për strategjinë e luftës ndaj korrupsionit nuk u realizua në pjesën më të madhe të tre

Fondi Monetar Ndërkombëtar është optimist që ekonomia shqiptare do të arrijë nivelin e parakrizës që këtë vit.

Volumi i mallrave të trasportuar me tragete nga/drejt portit të Durrësit gjatë 3-mujorit 2021 është rritur me 16%, krahasuar me të njejtë

Gjatë periudhës 2010-2019, produktiviteti i punës në Shqipëri është rritur me ritme më të larta se paga minimale.

Banka Botërore ka bërë vlerësimin e përmbyllës për projektin e aksesit të barabartë gjinor në mundësitë ekonomike dhe ka sjellë në vëmend

Shpërndarja e vaksinave kundër koronavirusit dhe ndihmat masive qeveritare do të përshpejtojnë rritjen e ekonomisë globale në një nivel r

"Vendi mund të dalë nga kriza e shumëfishtë që ka prekur duke investuar në sektorin e edukimit" – shprehen ekspertët Selami Xhepa dhe Adr