Garancia sovrane/ Qeveria ndryshon vendimin: Shteti do të paguajë interesat e kredisë për bizneset

11/05/2020 - 20:53

Qeveria ka ndryshuar vendimin i cili i hap rrugë aplikimit të bizneseve të mëdha për të marrë kredi të buta në bankat e nivelit të dytë për pagat e punonjësve. Në vendimin e publikuar në fletoren zyrtare qeveria ka vendosur që të marr përsipër për të rimbursuar interesat për garancinë sovrane për të gjitha subjektet përfituese në të gjitha bankat pra thënë ndryshe shteti do të paguajë interesat e kredive që bizneset do të marrin duke përdorur fondin e garancisë.

‘MFE do t’i rimbursojë Huadhënësit interesat që burojnë nga Huatë e garantuara nga kjo Marrëveshje Garancie një herë në tre muaj, ku tremujori i parë do të fillojë të përllogaritet nga data e bërjes efektive të kësaj Marrëveshjeje’.

Sipas vendimit, nuk do të gjenerohen dhe nuk do të rimbursohen interesa për më shumë se 30 ditë pa pagesë principali nga data që i ka lindur detyrimi Huamarrësit për të paguar principalin sipas Marrëveshjes së Huasë. Gjithashtu huadhënësi çdo 90 ditë nga data e nënshkrimit të kësaj marrëveshjeje do të dërgojë pranë MFE kërkesën për rimbursimin e interesave në formë elektronike dhe të shkruar.Kërkesa për rimbursim duhet të përmbajë informacion të detajuar në lidhje me interesat e gjeneruara dhe mënyrën e përllogaritjes së tyre, për secilën Hua që Huadhënësi ka lëvruar në përputhje me këtë Marrëveshje.

Por nga ana tjetër qeveria ka shtrënguar masat për marrjen e kësaj kredie për pagat e punonjësve për ato biznese që janë kreditorë të këqij pra bizneset që kanë kredi me probleme nuk mund të përfitojnë nga garancia sovrane 1.

‘Huamarrësi nuk duhet të këtë kredi me probleme (këto sipas definicionit të rregullores së Bankës së Shqipërisë nr.62, datë 14.9.2011 “Për administrimin e rrezikut të kredisë nga bankat dhe degët e bankave të huaja”, të ndryshuar), në muajin shkurt 2020’.

Në total fondi për të garantuar këtë hua është11 mld leke, dhe bën që të përfitojnë të gjitha sipërmarrjet të cilat do të kërkojnë deri në 3 muaj financim për pagat e punonjësve.Kusht është vendosur që të dorëzohen të gjitha borderotë e punonjësve, sipas pagës që u derdhet në bankë, por nuk do të mund të merret kredi për rrogat që janë më të larta se 150 mijë Lekë në muaj. Disa ditë më parë Banka e Shqipërisë bëri të ditur se deri me tani janë 70 raste të aprovuara me një shumë ekuivalente rreth 1 mld lek nga garancia sovrane por ndërkohë që ka dhe rreth 300 aplikime të tjera në proces.

/portali DurresLajm/

Na bëni like në facebook!: 

Lajme nga e njëjta kategori

Kushdo që kërkon të vazhdojë arsimin e lartë, apo të mësojë për një profesion të caktuar, në finale ka si qëllim të arrijë të paguhet sa

Orientimi i burimeve drejt prodhimit të maskave i mundësoi kompanisë së prodhimit të tekstileve, SAM, jo vetëm të kompensonte rënien e po

Nga Paketa financiare 2, rreth 82% e përfituesve janë paguar me bonusin 40 mijë lekë, sipas të dhënave të përditësuara të Ministrisë të F

Pas disa problemeve gjatë dy ditëve të fundit që ngadalësoi procedurat e dorëzimit online në Qendrën Kombëtare të Biznesit (QKB), pasdite

Çmimet e banesave në Durrës mbeten relativisht në të njëjtat nivele si para tërmetit, megjithëse qyteti bregdetar pësoi një goditje të fo

Nga 1 maji më 14 korrik, numri i bizneseve që kanë kaluar në status pasiv është rritur me 54% me bazë vjetore.

Marrëdhëniet tregtare me jashtë dominohen nga Italia, por pandemia Covid -19 që goditi më së shumti ekonominë italiane, po i orienton imp

Të gjitha gjobat për mospagim të kësteve paraprake të Tatimit mbi Fitimin për shkak të pandemisë Covid-19 do të hiqen.

Në Shqipëri qeveria ka miratuar së fundi një draft ligjor që parashikon aministi fiskale dhe penale, në një hark kohor një vjeçar, që nës

Pandemia ka ndryshuar profilin e konsumit e për rrjedhojë edhe të importeve.