Gjobë e re nëse nuk deklaron llogaritë bankare tek Tatimet. Çfarë parashikojnë ndryshimet e reja ligjore

20/09/2019 - 11:23

Një ndryshim ligjor që ka hyrë në fuqi së fundmi u kërkon bizneseve të deklarojnë në zyrat rajonale tatimore të gjitha llogaritë bankare që përdorin, pavarësisht nëse këto llogari përdoren sakaq për të paguar detyrimet fiskale ndaj tatimeve. Gjobë deri në 50 mijë lekë nëse nuk e deklaron.

Administratat tatimore pritet të bombardohen gjatë këtij muaji me një pafundësi shkresash nga ana e bizneseve, të cilat mbartin numrat e llogarive bankare të përdorura nga subjektet tatimpaguese, detyrim ky i lindur nga një ndryshim i ri ligjor i kohëve të fundit. Përmes ligjit, qeveria ka kërkuar që çdo biznes të ketë llogari bankare dhe si masë kontrolli për këtë, ka kërkuar që çdo llogari bankare të deklarohet pranë tatimeve fizikisht përmes shkresave të dorëzuara në drejtoritë tatimore rajonale.

Ligji 31/2019 i miratuar në parlament në qershor ka hyrë në fuqi më 25 korrik dhe sanksionon që bizneset duhet të deklarojnë llogaritë bankare “brenda 90 ditëve”, gjë që përkon me datën 26 tetor 2019.

Dështimi për të deklaruar llogaritë bankare i krijon të drejtën administratës tatimore të vendosë gjoba në masën 25 mijë lekë për biznesin e vogël dhe 50 mijë lekë për biznesin e madh. Nëse nuk deklarohet për herë të dytë, gjobat dyfishohen.

Kjo është hera e nëntë që ligji për procedurat tatimore ndryshohet brenda pesë viteve të fundit, si dhe hera e dytë që ndryshohet brenda 12 muajve të fundit.

Bankat e nivelit të dytë pritet të fitojnë para nga ky ndryshim ligjor, i cili vendos për herë të parë në mënyrë kategorike detyrimin e bizneseve për të pasur llogari bankare pavarësisht nëse janë kioskë apo biznes i madh.

Vlerësohet se rreth 25 mijë llogari bankare do të hapen me detyrim si pasojë e këtij ligji. Banka të ndryshme kanë filluar sakaq të reklamojnë për të thithur këtë kategori të re klientësh, të cilët bashkërisht pritet të paguajnë së paku 150 lekë komision secili për një total prej disa qindramijëra eurosh në vit.

Përfitimet e qeverisë nga ky ligj janë të paqarta, por synimi i ligjvënësit, i shprehur në relacionin e ligjit  është lufta kundër pastrimit të parave.

Reporter.al

/portali DurresLajm/

Na bëni like në facebook!: 

Lajme nga e njëjta kategori

Drejtoresha e Tatimeve, Delina Ibrahimi ka bërë sot një përmbledhje të rezultateve të aksionit anti-informalitet, të nisur nga fillimi i

Fondi Monetar Ndërkombëtar ka ulur ndjeshëm parashikimin për rritjen ekonomike të vendit për vitin 2019, në raportin e fundit të “Pasqyrë

Struktura e borxhit të familjeve shqiptare është shumë e ndryshme, që nga kredia bankare deri tek tregjet informale, overdrafti dhe të as

Pas tërmeteve “tundet” qeveria, nuk regjistrohen pronat pa sigurim 10-vjeçar.

Mbi 2000 familje të vrojtuara nga Banka e Shqipërisë raportuan rënie të punësimit, të ardhurave dhe shpenzimeve në gjashtë muajt e parë t

Edhe gjatë ditës së sotme, monedha e përbashkët europiane ka fituar pikë ndaj Lekut vendas. Sipas kursit zyrtar të Bankës së Shqipërisë,

Banka e Shqipërisë raportoi se çmimet e banesave janë rritur me 1.8 për qind në gjashtëmujorin e parë të vitit në raport me të njëjtën pe

Pas kërkesave të vazhdueshme të grupeve të interesit, procesi i fiskalizimit është shtyrë dhe nuk pritet më të fillojë më nga 1 janari, s

Ekonomia shqiptare pritet të ngadalësohet në 2.9% këtë vit, për shkak të uljes së prodhimit të energjisë nga pakësimi i reshjeve, raporto

Bankat në Shqipëri kanë efektivitet shumë të ulët në ekonomi, për shkak se japin kredi me një përqindje shumë më të ulët se depozitat që