Histori suksesi/ Hapi biznesin në Durrës me 2 persona, sot numëron dhjetëra të punësuar (FOTO)

Postuar: 18/04/2017 - 16:42

Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi, zhvilloi sot një vizitë në Durrës, ku u takua me stafin e një prej bizneseve më të suksesshme në sektorin e prodhimit, Pasticerinë Pelikan. Pronari i kësaj pastiçerie, Kostandin Tego, një ish-emigrant i kthyer pak vite më parë, mund të konsiderohet vërtet një rast suksesi, pasi falë punës së tij, nga një biznes i vogël me dy vetë, sot ka zgjeruar aktivitetin e tij në dy biznese pasticerie, me rreth 55 të punësuar.

Ministrja Ekonomi uroi pronarin e kësaj pastiçerie për punën e madhe dhe pasionin e tij në zgjerimin e biznesit dhe rritjen e punësimit duke u shndërruar në një model për sipërmarrës të tjerë në Durrës. Ajo shtoi se qeveria po vazhdon të bëjë përpjekje në lehtësimin e të bërit biznes, veçanërisht përmes thjeshtimit të procedurave në QKB, apo në tatime, ku tashmë çdo gjë plotësohet online.

Kostandini thotë se ndryshimet janë të dukshme në sipërmarrjen shqiptare dhe këtë ai e sheh nga përvoja personale.

”Dikur të duhej të prisje në radhe të gjata për të marrë një dokument apo për të bërë një procedurë, sot gjerat janë online. Nëse dikur nuk gjeje staf për ta punësuar në këtë sektor, sot, pavarësisht nga arsimi i lartë që kanë, zgjedhin të punojnë me kënaqësi në pasticerinë tonë”, thotë ai.

Konstandini shton se ende ka plane të mëdha për t’u zgjeruar dhe madje synon që prodhimet e tij 'Made in Albania' të njihen dhe në Europë dhe më tej, ndërsa kërkoi më shumë nga shteti për të ndihmuar me politikat e nxitjes së punësimit, pasi kjo është në interes të dy palëve si të qytetarëve dhe vetë rritjes së biznesit. Durrësi ka gjithsej 13,125 ndërmarrje, 30% e të cilave janë sipërmarrëse femra.​​​​

/portali DurresLajm/

Na bëni like në facebook!: 

Lajme nga e njëjta kategori

Drejtoria e Përgjithshme e Tatimeve bëri me dije se ka një numër të madh biznesesh që nuk kanë depozituar vendimin e ortakut për destinim

Pas shtyrjes me disa muaj, Ministria e Ekonomisë është gati të shpallë fituesin për ndërtimin e zonës së parë ekonomike në Shqi

Eksportet e mallrave shqiptare drejt vendeve të tjera kanë shënuar rënie gjatë muajit qershor të këtij viti.

Bitcoin.com, faqja zyrtare e monedhës virtuale bitcoin, ka pohuar se në Shqipëri ka disa tregtues të localbitcoin, megjithëse ajo pranon

Niveli i lartë i eurove që po qarkullojnë jashtë kanaleve bankare, të ardhura kryesisht nga aktivitetet informale, përveçse ka qenë një n

Duke marrë shkas nga interesimi mediatik dhe nga ai i publikut të gjerë më në veçanti, në lidhje me blerjen, zotërimin apo tregtimin e mu

Në datë 15 korrik të gjitha bizneset që kanë mbi 100 të punësuar duhet që të kenë ngritur strukturën që do të jetë përgjegjëse për përmbu

Kriza politike në tremujorin e dytë të vitit goditi rëndë besimin në ekonominë shqiptare.

Industria mekanike, kimike, farmaceutike, mjekësore, agrobiznesi, tekstile dhe veshje, ndërtimi, shërbimet inxhinierike, infrastrukturore

Në Shqipëri gratë mesatarisht paguhen 6.3% më pak sesa burrat, por ka edhe disa sektorë, ku femrat rezultojnë më të paguara se meshkujt.