INSTAT/ Shpenzimet buxhetore për paga më të ulëtat që nga 1993

08/02/2019 - 07:47

Edhe pse fondi i pagave për punonjësit në sektorin publik ka ardhur me rritje vit pas viti, vlera e tyre në raport me PBB ka pësuar rënie te vazhdueshme gjatë dy dekadave të fundit.

Në vitin 2018, shpenzimet për pagat në shtet ishin sa 3.8% e PBB-së, duke shënuar kështu nivelin më të ulët historik së paku nga viti 1993.

Shpenzimet për paga në raport me PBB-ne kane shënuar luhatje nga viti në vit. Por që nga 2009 në vitin 2018 ato kanë pësuar ulje sistematike, duke shkuar nga 4.7% e PBB-së në 3.8% të PBB-së.

Paga mesatare në sektorin shtetëror arriti 61,600 lekë në fund të vitit 2017 me një rritje 11.5% që në raport me vitin 2016. Kjo është rritja më e madhe e shënuar që nga viti 2007 kur qeveria Berisha aplikoi një rritje agresive të pagave gjatë periudhës 2005-2008.

Sipas të dhënave të INSTAT paga reale në shtet në vitin 2017 u rrit me 7.8% pas një qëndrimi në vendnumëro për 3 vitet paraardhëse.

Të dhënat e azhurnuara për pagën reale në sektorin shtetëror tregojnë se ritme e larta të rritje u panë përgjatë viteve 2000-2009, ku ritmet e rritjes ishin në intervalet 8-17%.

Por pas vitit 2013 qeveria ndërmori masa kursimi për shkak se borxhi publik kishte kaluar 70%, teksa të ardhurat buxhetore nuk po rriteshin. Për rrjedhojë Shqipëria ofron shpenzimet më të ulëta në Rajonpër paga si në vlera ne to si në raport e me PBB-në.

Matur me paritetin e fuqisë blerëse (PPP) të cilat llogariten për dallimet e nivelit të çmimeve midis vendeve në, nivelet më të larta të pagave u gjetën në Malin e Zi dhe në Bosnje dhe Hercegovinë, ndërsa Shqipëria mbetet shumë prapa dhe ishte në fundin më të ulët të shkallës së pagave, thuhet në raportin periodik rajonal të Bankës Botërore. /Monitor

Për krahasim, të gjithë perëndimore vendet e Ballkanit (përveç Shqipërisë) kanë raportuar nivele më të larta pagash sesa Bullgaria. Pagat në Mal të Zi gjithashtu tejkaluan nivelin e Hungarisë.

/portali DurresLajm/

Na bëni like në facebook!: 

Lajme nga e njëjta kategori

Euro vazhdon të bjerë në mënyrë të frikshme në kursin e këmbimit valutor.

Monedha e përbashkët eruopiane u rrit edhe gjatë ditës së sotme përkundrejt lekut.

Monedha e përbashkët europiane e ka rinisur sërish javën e nënçmuar përkundrejt lekut vendas.

Ministrja e Financave dhe e Ekonomisë, Anila Denaj pas aksionit të djeshëm në Himarë ku dhe u gjobit një biznes për një faturë të lëshuar

Drejtoria e Përgjithshme e Tatimeve sjell në vëmendje se tatimi mbi dividentin është në shkallën 8%, nëse pagesa kryhet brenda datës 20 g

Hendeku ndërmjet të pasurve dhe të varfërve është rritur më tej në vitin 2018.

Teksa ekonomia po tenton të shkojë drejt dixhitalizimit, mbajtja e parasë cash do të bëhet gjithnjë më e shtrenjtë dhe më e vështirë.

Në periudhën janar-korrik të këtij viti përveç udhëtarëve, tragetet e linjave nga Durrësi kanë transportuar afro 547 mijë ton mallra, ose

Monedha e përbashkët euro u këmbye sot në tregun e këmbimit poshtë kuotës se 121 lekëve duke ju afruar nivelit më të ulët historik të gji

Rastet e mashtrimit të individëve apo bizneseve që mashtrohen nga individë të panjohur për të devijuar transfertat bankare për llogari të