Ju vonohet avioni? Si përfitohet kompensimi për dëmin që ju shkaktohet

07/06/2019 - 09:36

Nëse avioni juaj vonohet më shumë se tre orë, keni mundësinë që të kërkoni kompensim, teksa kompanitë gjithnjë e më shumë po detyrohen që të përgjigjen ndaj pasagjerëve për këto vonesa. Sipas të dhënave që vijnë nga sistemi SDP, që Autoriteti i Aviacionit ka krijuar për të monitoruar zbatimin e ligjit për kompensimet e pasagjerëve në rast të vonesave dhe anulimit të fluturimeve, rezulton se numri total i kompensimeve ka shkuar në 2397. Krahasuar me muajin e kaluar kemi një rritje me rreth 200 kompensime më shumë.

Kompania me numrin më të lartë të kompanive rezulton Blue Panorama, e ndjekur nga kompania Ernest dhe British Airways. Një numër i konsiderueshëm kompensimesh janë në proces. Autoriteti i Aviacionit Civil, ripërsërit apelin ndaj gjithë personave që kanë plotësuar një formular ankimimi që të kontaktojnë kompanitë ajrore për të ndjekur më tej procesin. Ndërkohë duke qenë se po afron edhe sezoni turistik që regjistron edhe pikun e fluturimeve dhe problematikave në vonesa dhe anulime, i bën thirrje pasagjerëve që për çdo paqartësi ose problem me kompanitë ajrore të kontaktojnë sektorin për të drejtat e Pasagjerëve që AAC ka hapur prej 2 vitesh në Aeroport.

Nga informacioni i ardhur nga Sektori për të Drejtat e Pasagjerëve që AAC ka në Aeroportin Ndërkombëtar Nënë Tereza, kompania me më shumë vonesa për muajin maj është kompania WIZZAIR me 3 të tilla mbi 2 orë, më pas vjen kompania ADRIA AIRWAYS me 3 vonesa, për t'u pasuar nga kompania ERNEST me 1 vonesë dhe  6 anulime, 5 prej të cilave si pasojë e grevës 1 ditore në Itali.

Si u nda tregu i fluturimeve në prill

Referuar të dhënave zyrtare të ardhura në Autoritetin e Aviacionit Civil nga Aeroporti Ndërkombëtar “Nënë Tereza”, shifrat tregojnë një numër prej 239,465 pasagjerësh të cilët kanë udhëtuar gjatë muajit prill për/ nga TIA.

Bazuar në të dhënat zyrtare, kompania ajrore “Blue Panorama” mbetet mbizotëruese në treg duke mbuluar fluksin më të madh të lëvizjes së pasagjerëve për muajin prill 2019, me një numër prej 49,130 pasagjerë ose 21% të totalit. Ndjekur nga Ernest S.p.A me 17% ndaj totalit dhe 41,016 pasagjerë, duke vijuar me Albawings e cila zotëron tregun me 10% dhe 23,933 pasagjerë. Ky muaj ka shënuar hyrjen në treg me fluturime të rregullta të kompanisë shqiptare “Air Albania”. Gjithashtu prurje e re për tregun tonë është kompania “Edelweiss Air”, e cila kryen fluturime për/ nga Zyrihu dy herë në javë. 2384 pasagjerë kanë zgjedhur të fluturojnë me këtë kompani përgjatë muajt prill.

Italia zotëron përqindjen më të madhe në tregun e transportit ajror për muajin prill 2019, duke zënë 56% të totalit dhe një numër prej 132,769 pasagjerë, ndjekur nga Turqia me 7%, Austria me 7% si dhe Hungaria 6%. Nëse do te bënim krahasimin e tre viteve të fundit, trafiku ajror dhe fluksi i pasagjerëve këtë vit, gjatë prillit të 2019-s ka një rritje prej 13% krahasuar me vitin e kaluar 2018.

Përsa i përket rritjes/rënies së fluksit të lëvizjes së pasagjerëve për muajin prill 2017-2018-2019, vëmë re se numri i pasagjerëve që kanë fluturuar me Charter ka shënuar rritje prej 306 %, pasuar nga kompania Wizz Air,  shifrat e të cilës tregojnë për një rritje me 180% e krahasuar me prillin e 2018-s. Rritje të dukshme krahasuar me një vit më parë ka pasur dhe kompania Lufthansa me 107%.

/Monitor

/portali DurresLajm/

Na bëni like në facebook!: 

Lajme nga e njëjta kategori

Durrësi e ka humbur vendin e dytë pas kryeqytetit përsa i përket rëndësisë që qyteti bregdetar ka në rritjen ekonomike në shkallë vendi.

Qendra e Tiranës rreth e qark sheshit “Skënderbej” po kthehet në një zonë me ndërtesa të larta, dendësia e të cilave, nuk i përgjigjet sh

Është porti më i madh në vend dhe një nga qytetet më të rëndësishme të vendit, por Durrësi ka mbetur prapa në kontributin e dhënë për rri

Gjergj Buxhuku, Administrator i Përgjithshëm i Konfindustrisë i kërkon ekzekutivit dhe grupit të menaxhimit të krizës kundër Covid-19 rik

Janë rreth 97 mijë punonjës që u është miratuar pagesa prej 40 mijë lekësh si pjesë e paketës së dytë financiare dhe 95 mijë prej tyre e

Shqipëria vlerësohet si një nga shtetet që do ta vuajë më shumë pandeminë e Covid-19 në ekonominë e saj, me një rënie që varion nga -5% s

Çmimet shumë të larta për blerjen e banesave, apartamenteve apo garazheve janë në disnivel të lartë me të ardhurat që kanë shqiptarët.

Shumëkush habitet me numrin e lartë të kafeneve që ka në Shqipëri, që i gjen në çdo cep.

Pandemia e koronavirusit po nxit rritjen e ekonomisë përmes qëndrimit në shtëpi.

Qeveria ka ndryshuar vendimin i cili i hap rrugë aplikimit të bizneseve të mëdha për të marrë kredi të buta në bankat e nivelit të dytë p