Kriza uli përdorimin e overdrafteve dhe kredisë konsumatore

23/09/2020 - 10:17

Vlera e overdrafteve të tërhequra nga individëve në banka ka pësuar rënie, pasi ekonomia u prek nga kriza e Covid-19.

Të dhënat e Bankës së Shqipërisë tregojnë se në fund të korrikut vlera e paradhënieve bankare të përdorura nga individët ishte 7.32 miliardë lekë ose rreth 59 milionë euro. Vlera e overdrafteve ka rënë me 6% krahasuar me një vit më parë dhe me 8.9% që nga fundi i muajit mars. Rënia më e fortë e vlerës së overdrafteve të shfrytëzuara nga individët ka ardhur gjatë muajit prill, që shënoi ndoshta edhe muajin me ndikimin më të fortë të pandemisë në shoqërinë dhe në ekonominë shqiptare.

Paradhënia bankare për individët është zakonisht një produkt i lidhur me llogaritë e pagamarrësve ose ato të kartave të kreditit, me qëllim plotësimin e nevojave konsumatore.

Rënia e overdrafteve pas muajit prill mund të interpretohet si pasojë e mbylljes së ekonomisë dhe uljes së shpenzimeve konsumatore. Pas kalimit të pagave të muajit prill, tërheqjet e reja nga overdraftet duket të kenë qenë ndjeshëm më të ulëta.

Një studim nga specialistë të Bankës së Shqipërisë arriti në konkluzionin se pasiguria e përcjellë nga kriza i shtyu shqiptarët të rrisnin kursimet. Kjo provohet jo vetëm nga rritja e depozitave bankare, por pjesërisht edhe nga ulja me rreth 700 milionë e shumës së tërhequr nga overdaftet gjatë muajit prill.

Kjo tendencë është konfirmuar edhe gjatë muajve në vazhdim, kur rritja e overdrafteve ka qenë mjaft e kufizuar. Nga prilli deri në korrik, vlera e përdorur e overdrafteve është rritur me vetëm 45 milionë lekë. Duke qenë se overdrafti është një instrument i lidhur me llogarinë e pagës, një ndikim në uljen e vlerës mund të ketë pasur edhe rritja e papunësisë ose politikat më konservatore të ndjekura nga bankat për overdraftet e maturuara.

Një tendencë e ngjashme vërehet edhe me kredinë konsumatore. Për periudhën mars-korrik, portofoli i kredisë konsumatore ka rënë gjithashtu me rreth 600 milionë lekë. Kjo është një rënie e konsiderueshme, po të kemi parasysh shtyrjen e pagesës së kësteve, që e ka ngadalësuar ndjeshëm amortizimin normal të portofolit. /Monitor

/portali DurresLajm/

Na bëni like në facebook!: 

Lajme nga e njëjta kategori

Depozitat bankare shënuan një tjetër rritje të ndjeshme për muajin shtator, duke vijuar një tendencë të qëndrueshme kursimi, që është kon

Kompanisë Italiane INC S.P.A iu akordua dje nga BERZH (Banka Europiane për Rindërtim dhe Zhvillim) zbatimi i projektit hekurudhor Tiranë-

Banka Botërore i ka bërë një rishikim mbështetjes së reformave në disa vende përmes programeve të financimit që zbaton vit pas viti dhe S

Turizmi është një nga sektorët më të goditur globalisht sa i takon situatës së COVID-19 por edhe ai që mund të rimëkëmbet më shpejt.

Nga 1 janari i vitit të ardhshëm, pragu i regjistrimit në tatimin mbi vlerën e shtuar (TVSH) do të rritet në 10 milionë lekë, nga 2 milio

Mbivendosja e pasojave të tërmeteve me fillimin pandemisë së COVID –19 përballi bashkitë me një situatë dhe vështirësi të paprecedentë, k

Qëndrueshmëria e skemës së pensioneve mbetet vulnerabël prej rritjes së shpejtë të numrit të pensionistëve dhe rënien e fuqisë punëtore s

Pёrsa i pёrket korrigjimeve tё llogarieve bankare me probleme, për të përfituar ndihmën financiare sipas paketave tё miratuara nga Qeveri

Qeveria ka planifikuar të aktivizojë vitin që vjen edhe 6 kontrata të reja koncesionare me Partneritet Publik Privat me një vlerë 217,5 m