Lehtësohen procedurat, skema si duhet të transportohet malli me fletë shoqërimi

Postuar: 20/04/2017 - 13:24

“Fatura tatimore e shitjes e lëshuar nga blerësi-rishitës për pritësin e mallit, nga ky i fundit i bashkëngjitet fletës së shoqërimit, me anë të së cilës është transportuar dhe është bërë i disponueshëm malli.
Në çdo rast, transaksionet dokumentohen me kontratat përkatëse në të cilën evidentohet qartë se cili është shitësi, blerësi dhe pritësi i mallit”.

Drejtoria e Përgjithshme e Tatimeve ka lehësuar procedurat për ato subjekte të cilat do të duhet të transportojnë mallra me destinacion ndaj palëve të treta. Më parë sqarojnë tatimet procedura ka qënë e gjatë ndërsa tani mjafton vetëm fleta e shoqërimit.

Këto ndryshime janë pjesë e udhëzimit për Procedurave Tatimore. Ministria e Financave ka publikuar edhe një dokument të ri tatimor, fletën e shoqërimit.

“Fleta e shoqërimit i vjen në ndihmë sipërmarrësve dhe përdoret në rastin kur shitësi, i shet mallrat blerësit, i cili nga ana e tij, i shet këto mallra tek një blerës tjetër (i treti).
Konkretisht:
Një person i tatueshëm (shitësi), shet mallrat për një person tjetër të tatueshëm (blerës), por lëvizja e mallrave nëpërmjet transportit nuk kryhet në drejtim të personit të tatueshëm blerës-rishitës, por në drejtim të një personi të tretë (pritësi/blerësi i tretë).
Në këtë rast personi i tatueshëm shitës, në momentin që mallrat transportohen me destinacion personin e tretë lëshon fletën e shoqërimit të mallrave, në të cilën identifikon personin e tatueshëm blerës të mallrave dhe të dhënat identifikuese të tij, si dhe të dhënat e pritësit të mallrave, NIPT-in dhe adresën ku mallrat janë destinuar të transportohen.

Kjo fletë shoqërimi e mallit duhet të shoqërojë mallrat gjatë transportit dhe lëshohet në tre kopje, nga të cilat:

-një kopje e mban shitësi i mallit;
-një kopje e mban pritësi i mallit;
-një kopje transportuesi ia dërgon rishitësit

Fatura e shitjes së mallit lëshohet nga personi i tatueshëm furnizues (që shet) për personin e tatueshëm blerës (rishitës).
Ky i fundit lëshon menjëherë faturën tatimore të shitjes dhe ia vë atë në dispozicion personit të tretë, i cili është blerësi përfundimtar, si dhe njëkohësisht pritësi i mallit, personi për të cilin mallrat janë destinuar.

Fatura tatimore e shitjes e lëshuar nga blerësi-rishitës për pritësin e mallit, nga ky i fundit i bashkëngjitet fletës së shoqërimit, me anë të së cilës është transportuar dhe është bërë i disponueshëm malli.
Në çdo rast transaksionet dokumentohen me kontratat përkatëse në të cilën evidentohet qartë se cili është shitësi, blerësi dhe pritësi i mallit”, thuhet në njoftimin e DPT-së.

/portali DurresLajm/

Na bëni like në facebook!: 

Lajme nga e njëjta kategori

   Ndërtimi i gazsjellësit TAP po shkon drejt fundit sipas parashikimeve.

   Enti Rregullator i Energjisë ka hapur procedurën për të miratuar tarifat e reja të energjisë elektrike për konsumatorët fundorë në 201

Shqipëria do të jetë i vetmi vend në rajon që nuk do të ketë një përjashtim të bizneseve të vogla nga TVSH.

Duke filluar që nga muaji janari i vitit që vjen, kur t`ju mbërrijë në shtëpi fatura e energjisë, shuma që keni për të paguar do të jetë

Produktiviteti i punës ka pësuar rënie nga viti 2010-2015, por sektori i industrisë dhe ai i ndërtimit kanë kontribuuar me rënien më të m

   Prurjet e emigrantëve janë një ardhur e konsiderueshme për vendet në zhvillim të Europës duke përshirë edhe Shqipërisë.

Në të gjithë sektorët e ekonomisë, femrat paguhen më pak sesa meshkujt në Shqipëri, por, për kompanitë me pronësi të huaja diferenca ësht

Pajisja fiskale (kasa fiskale) është një regjistrues elektronik, me të cilën nga shitësi, regjistrohen të dhënat për vlerën e mallrave të

   Fondi Monetar Ndërkombëtar në raportin e sapobotuar “Panorama Ekonomike Globale-Tetor 2017” ka rishikuar në ulje parashikimin për rrit

Aksioni kundër informalitetit dhe ndryshimet në paketën fiskale 2017 -2018 kanë mbledhur   në një takim ekspertët dhe kontabilistët durrs