Llogaritja e re e taksës së pronës, ja si do ta paguajnë qytetarët durrsakë (VIDEO)

21/05/2018 - 16:37

Drejtori i Tatim Taksave në bashkinë e  Durrësit, Luan Dajko, sqaroi në një prononcim për DurrësLajm se tarifa e taksës së pronës do të mblidhet nga fatura e ujit të pijshëm. Pavarësisht se vetëm gjysma e numrit të familjeve kanë paguar taksën e pasurisë, pjesa tjetër e familjeve janë debitorë në bashki. Kjo do të thotë që ato familje që nuk e kanë paguar taksën e pasurisë prej vitit 2011 do të duhet ta paguajnë të plotë.

"Bashkia është duke punuar që të hartohet një regjistër i saktë me të gjithë familjet. Aplikimi i taksës së pasurisë me ligjin e ri, ka shënuar ulje për taksën e pasurisë për biznesin, ndërsa për herë të parë paguajnë edhe njësitë administrative larg Durrësit."

Luan Dajko sqaroi edhe metodologjinë e pagesës  ku bëri me dije se do të paguajë çdo familje dhe biznes sipas metrave katrorë që disponon dhe periudhës së ndërtimit të godinës. Sipas Dajkos, me aplikimin e kësaj takes, bashkia e Durrësit humbet nga të ardhurat e saj 1.5 milionë dollarë.  

Bashkia propozoi uljen e taksë së pasurisë në masën 30% për periferinë e Durrësit, banorët e fshatrave, ish-komunat e bashkitë, por të djathtët dhe LSI-ja nuk e kaluan këtë projektvendim me pretendimi se nuk ishin aspak dakord për aplikimin e taksës së pasurisë në fshat.

Qeveria ka menduar të përjashtojë kategoritë e personave në nevojë kryefamiljarët pensionistë në qytet apo fshat, kur jetojnë vetëm nuk do të paguajnë taksën e banesës.

Edhe ndërtesat e banimit të kryefamiljarëve që trajtohen me ndihmë ekonomike do të përjashtohen nga taksa, ashtu si ndërtesat e banimit që shfrytëzohen nga qiramarrësi me qira të paliberalizuara dhe banesat sociale në pronësi të bashkive.

Më pas, në listën e përjashtimit, të përcaktuar në ligjin e miratuar në nëntor të vitit 2017, janë të gjitha pronat shtetërore që përdoren për qëllime jofitimprurëse, pasuritë shtetërore nën administrimin e shoqërive publike shtetërore, ndërtesat e komuniteteve fetare në funksion të veprimtarisë së tyre, si dhe objektet e kulturës.

Qeveria ka menduar të përjashtojë nga taksa e pronës edhe hotelet/resortet me 4 dhe 5 yje, që marrin “status special” po me vendim qeverie. Kjo masë, sipas saj, është marrë për të stimuluar sektorin e turizmit.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Verën e kaluar, pasagjerët që udhëtonin në Shqipëri në fillim të muajit gusht dhe ata që donin të largoheshin në fund të atij muaji u për

Sipas një studimi të fundit, mbi pabarazinë gjinore, diskriminimin dhe institucionet sociale, Shqipëria ka hendek të ulët sip

Qeveria duket se së fundmi ka vendosur të përmbysë modelet e veta të zhvillimit në disa sektorë.

Në të gjitha vendet e Ballkanit Perëndimor përveç Shqipërisë fondet për bujqësinë kanalizohen si mbështetje direkte për fermerët, kryesis

Sado e çuditshme që mund t’ju duket, Po – dashuria kushton.

Shqipëria dhe Mali i Zi u renditën nga Komisioni Europian me borxhin publik më të lartë në rajon për vitin 2018, në raportin periodik për

Çmimet e prodhimeve të stinës, kryesisht perimet dhe zarzavatet pësuan rritje jo të zakonte gjatë muajit janar, teksa INSTAT raportoi se,

Komisioni i Prokurimeve Publike i ka hapur rrugën koncesionit të shumëpërfolur për ‘kontrollin e pompave’ në stacionet e karburanteve.

Ish-ministri i Financave dhe kryetari i Komisionit te Ekonomise dhe Financave, Arben Ahmetaj thotë se sipas Raportit të Komisionit Evropi

Volumi gjithnjë e në rritje i pasurive të sekuestruara paraqet nevojën për përmirësime të mëtejshme ligjore.