Merkel dhe Hollande optimistë për daljen nga kriza në eurozonë

12/12/2012 - 12:35

 

Kancelarja gjermane Angela Merkel shfaqi optimizëm rreth krizës në eurozonë teksa foli në një television në Oslo. “Nuk mund të heq plotësisht gjendjen e rrezikut, jam optimiste, por e matur” tha ajo duke shtuar se bashkësia ndërkombëtare ka kuptuar se ne do ta mbrojmë euron. 

Siç shpjegoi kancelarja, ende nuk beson se është arritur shërimi i konkurencës, duke vënë në dukje se reformat duhet të ndiqen në shumë vende. “Mendoj se nuk kemi arritur bashkëpunimin që duhet të kemi në Eurogroup, por duhet të them se jemi në rrugën e duhur”, vazhdoi ajo. “Ende jemi në gjysmën e rrugës së arritjes së qëllimit”, tha kancelarja. 

Nga ana e tij presidenti francez, Francois Hollande theksoi në Oslo se kriza në zonën euro është kapërcyer, duke folur për të gjitha përpjekjet që janë bërë, që të zgjidhen problemet e shkaktuara nga kjo krizë. “Kriza në eurozonë është prapa nesh. Greqisë i dhamë më në fund burimet financiare që ajo priste. Në Spanjë, kemi bërë që sektori bankar të qëndrojë përsëri në këmbët e tij. Në Itali, pavarësisht pasigurisë politike, jam i bindur se italianët do të kenë sukses në programin e tyre”, iu tha gazetarëve presidenti francez. 

“Ajo që ne duhet të bëjmë tani nuk është thjesht të dalim nga kriza e eurozonës, kjo tashmë është bërë. Tani ne duhet t’i shmangemi krizës, dmth të sjellim zhvillimin, të krijojmë vende pune, të sjellim besimin tek të rinjtë”, vazhdoi Francois Hollande. 

Lidhur me situatën në Itali, presidenti francez tha se ato që kanë ndodhur do të bëjnë të mundur që vendi të ketë një qeveri të qëndrueshme pas zgjedhjeve të ardhshme në shkurt 2013. 

/portali DurresLajm/

Na bëni like në facebook!: 

Lajme nga e njëjta kategori

Euro mbetet monedha më e lirë për të marrë kredi nga familjet shqiptare.

Çmimi i gazit është shtrenjtuar javëve të fundit si për ata që kanë të instaluar impiante në automjete ashtu edhe për kategorinë e familj

Numri i subjekteve të vogla, që janë çregjistruar nga skema e tatimit të vlerës së shtuar (TVSH) ka arritur në 31,821.

Qeveria ka kryer shpenzimet kapitale faktike prej 91,2 miliardë lekëve më 2020, niveli më i lartë që nga viti 2009, vit në të cilin ishte

Qeveria shqiptare po përgatit koncesionin e radhës. Bëhet fjalë për Triportin në Vlorë.

Moti i mirë i tetorit mbajti gjallë disi turizmin e për rrjedhojë dyert e strukturave akomoduese pritën një pjesë të pushuesve që vinin n

Deri më 31 dhjetor të vitit 2020 qeveria angazhoi vetëm 57 për qind të fondit të programuar për rindërtimin e pasojave shkatërruese që la

Eksportet e kanë nisur vitin me një rritje të lehtë prej 3.1% me bazë vjetore në janar, të ndikuara nga ecuria pozitive e “Materiale  ndë

Rrjeti i hotelerisë Hilton do të hyjë në Shqipëri me një tjetër hotel, pas një marrëveshjeje menaxhimi të nënshkruar me Kastrati Residenc

Numri i të punësuarve u rrit më tej në vitin 2019, por shtimi i tyre të paktën sipas statistikave zyrtare nuk u shoqërua me rritjen e pro