“Moody`s”: Ekonomia shqiptare do të rritet mbi parashikimet

Postuar: 02/12/2017 - 11:15

   Gjiganti botëror i vlerësimeve, Moody`s, vetëm dy muaj pas publikimit të fundit për vendin tonë, ka rishikuar në rritje projeksionet për ekonominë shqiptare gjatë këtij viti dhe atij të ardhshëm.

Projeksionet më të fundit janë publikuar në raportin mbi statistikat e përgjithshme, që publikohet çdo 6 muaj dhe që është siguruar ekskluzivisht nga SCAN.

Në bazë të raportit të fundit, rezulton se, ekonomia shqiptare sipas Moody`s do të rritet me 3.9% këtë vit, nga 3.6% që projektonte vetëm dy muaj më parë. Edhe për vitin e ardhshëm rritja ekonomike projektohet po në 3.9%, nga 3.8% që vlerësohej më 2 Tetor të këtij viti.

Për vitin 2019 ndërkohë, Moody`s flet për një rritje ekonomike në 4%, duke e bërë praktikisht një prej institucioneve ndërkombëtare më optimiste sa i përket ecurisë së ekonomisë shqiptare në vitet në vijim. Madje, Moody`s është më optimiste edhe se qeveria shqiptare sa i përket rritjes ekonomike këtë vit.

Po ashtu, në krah të kundërt me institucionet e tjera ndërkombëtare shkon Moody`s sa i përket investimeve të huaja direkte, pasi parashikon një rënie tepër modeste në vitet në vijim, ndërkohë që i ka rishikuar në rritje këto projeksione në krahasim me dy muaj më parë.

Për këtë vit, projeksionet tregojnë se investimet e huaja direkte do të jenë në 7.7% të PBB, vitin e ardhshëm në 7.4% dhe në 2019 në 7.1% të Prodhimit të Brendshëm Bruto. Rritja e projeksioneve për ekonominë shqiptare vjen vetëm pak ditë përpara se agjencia të publikojë vendimin më të fundit për notën e borxhit sovran të Shqipërisë./scan

/portali DurresLajm/

Na bëni like në facebook!: 

Lajme nga e njëjta kategori

62% e shqiptareve deklaruan në Anketën e Cilësisë së Jetës, të realizuar nga Komisioni Europian, se nuk arrijnë që të përballojnë blerjen

Gjatë vitit të kaluar janë vërë prurje të mëdha cash-i në llogaritë e bizneseve në banka nga persona të tjerë, të cilat nuk kanë mundur t

Drejtoria e Përgjithshme e Tatimeve, rikujton të gjithë tatimpaguesit e biznesit të vogël, se sot është afati i fundit për deklarimin dhe

Në raport me të ardhurat, sot është më e lirë të blesh një shtëpi në Amsterdam, Berlin, Stokholm, Bruksel, Athinë, sesa në Tiranë.

   Hetimi tatimor po vijon me kontrolle dhe verifikimin e subjekteve që ushtrojnë veprimtari ekonomike në sektorin e turizmit dhe në të g

   Drejtoria e Hetimit Tatimor Rajoni Qendror po ushtron kontrolle të detajuara ndaj subjekteve, që kanë veprimtari ekonomike në zonat tu

Banorët e Shqipërisë mendojnë se kanë më shumëmundësi që tëbien në varfëri në krahasim me shtetet e tjera të rajonit, ndërkohë qëndihen e

Në hotelet që mbyllën në Ksamil dhe në Potam, tatimorët nuk gjetën as kupona, as fatura të shërbimeve, madje as nuk ishin regjistruar si

Administrata tatimore ka nisur publikimin e një liste me emrat e bizneseve që nuk lëshojnë kuponin tatimor.

Mbyllet përfundimisht sigurimi i fondeve për projektin e rindërtimit të hekurudhës Tiranë-Durrës, me degëzim drejt Rinasit.