Nis “lufta” për çmimin e energjisë elektrike

Postuar: 15/10/2017 - 16:19

   Enti Rregullator i Energjisë ka hapur procedurën për të miratuar tarifat e reja të energjisë elektrike për konsumatorët fundorë në 2018-tën. Tashmë pritet që dy kompanitë OSHEE dhe OST të dërgojnë aplikimin pranë Entit për të bërë propozimin e çmimit të ri. ERE  do të marrë dy vendime të ndryshme në fund të muajit dhjetor, një për përcaktimin e tarifës që Operatori i Transmetitmit do të vendosë mbi kompaninë e shpërndarjes për përdorimin e rrjetit, dhe një tjetër për çmimin që OSHEE u shet energji konsumatorëve.

ERE ka ndryshuar edhe mënyrën se si do të vlerësojë çmimin për konsumatorët fundorë. Tashmë në aplikimin e kompanisë OSHEE do të llogariten edhe të ardhurat e reja të cilat vijnë si rezultat i përfitimeve nga lidhjet në rrjet apo marrëveshja për blerjen e energjisë për humbjet me çmim më të mirë nga KESH. Edhe pse duhej, deri më sot këto të ardhura nuk janë llogaritur në çmimin që ERE ka vendosur për konsumatorët, duke sjellë tarifa më të larta për ta.

Në këtë vendim bordi i ERE-s vendos si kusht që të ndryshojë çmimin e energjisë nëse kompania e shpërndarjes dështon me planin e investimeve. Aplikimet për çmimin e ri të energjisë duhet të ishin bërë në fillim të muajit tetor, por operatorët ende nuk kanë arritur të mbyllin propozimet.

Pritet që vendimi për çmimin e ri të hapë një luftë mes aktorëve në këtë treg. Ky ka qenë një vit me shpenzime të larta për OSHEE-në, ndërsa të tre kompanitë KESH, OST dhe OSHEE vijojnë të kenë borxhe ndaj njëra–tjetrës. Nga ana tjetër autoriteti i konkurrencës dhe komisioni parlamentar përgjegjës për çështjet e energjisë i ka rekomanduar ERE-s ulje të çmimit të energjisë. OSHEE rezultoi në 2016-ën me 85 milion euro fitim neto. /Tv Klan

/portali DurresLajm/

Na bëni like në facebook!: 

Lajme nga e njëjta kategori

   Qeveria shqiptare do të dalë për herë të tretë në tregjet ndërkombëtare për të marrë borxh nëpërmjet emetimit të një eurobondi.

Autoriteti i Komunikimeve Elektronike dhe Postare (AKEP) ka bllokuar aksesin e 56 faqeve elektronike që ofronin zhvillimin e lojërave onl

Drejtoria e Përgjithshme e Tatimeve, nëpërmjet rubrikës së këshillimit, ka informuar tatimpaguesit  me të drejtat dhe detyrimet e kategor

Një projektligj që është duke u hartuar nga Ministria e Financave synon të ofrojë trajtim të njëjtë si për investitorët vendas dhe ato të

   Të hënën u prezantuan kartëmonedhat e reja 100 dhe 200 euroshe, të cilat pritet të dalin në qarkullim Majin e ardhshëm.

Në 6-mujorin e parë të vitit, ekonomia shqiptare në tërësi gjeneroi 14.4 mijë vende të reja pune, por vetëm 23% e tyre, ose rreth 3,274 v

Kazinotë elektronike kanë afat të zhvendosen nga zonat e banuara të qytetit dhe fshatit brenda 31 dhjetorit të këtij viti.

Aeroporti i Rinasit vijon të jetë më i shtrenjti në rajon, ndonëse jemi në mes të muajit shtator dhe sezoni turistik po shkon drejt fundi

Muaji gusht 2018, shënon edhe shifrat më të larta të vonesave dhe anulimeve të fluturimeve nga dhe drejt “Aeroportit Ndërkombëtar Nënë Te

Në kuadër të informimit të biznesit Drejtoria e Përgjithshme e Tatimeve është ndalur sot te personat juridikë me xhiro mbi 8 milionë lekë