Raporti i “Doing Business”, Shqipëria rënie drastike me 19 vende, kthehemi mbrapsht 7 vite

24/10/2019 - 12:28

Banka Botërore ‘nxin’ Shqipërinë sa i takon lehtësisë së të bërit biznes. Sipas raportit më prestigjioz të BB në nivel global “Doing Business”, Shqipëria ka pësuar rënie drastike me 19 vende nga viti i kaluar.

Në raportin e sapo publikuar për 2020-ën, Shqipëria renditet e 82-ta ndër 190 ekonomi të botës, në vendin e tretë nga fundi në Europë dhe më mirë vetëm se Malta dhe Bosnje Hercegovina.

Një vit më parë, Shqipëria mbante vendin e 63-të, pra për një vit ka humbur 19 pozicione, rënia e dytë më e madhe në historinë e këtij indikatori, pas vitit 2013.

Kështu performanca e Shqipërisë në të bërit biznes rikthehet pranë nivelit të viteve 2011/2012. Banka Botërore evidenton faktin se reformat në Shqipëri e kanë bërë më të lehtë që të merresh me biznes gjatë vitit të fundit, por nga ana tjetër janë ndryshimet e shpeshta ato që e vështirësojnë punën e sipërmarrjes.

Performanca më e dobët për ekonominë shqiptare vjen në drejtim të lejeve të ndërtimit, që na rendit në vendin e 166-të në botë, nga vendi i 151-të i një viti më parë, apo vendi i 106-të i 2017-ës. Përkeqësimi drastik në renditje duket se vjen kryesisht nga nën-indikatori i mbrojtjes së investitorëve të minoritetit.

Në këtë indikator kemi zbritur nga kreu i tabelës, pasi vjet ishim në vendin e 26-të në botë, në fund të saj, në të 111-tin sot. Edhe indikatori tjetër, ai i kontratave, ka pësuar një përkeqësim drastik.

Ai i pagesës së taksave na rendit në vendin e 123-të në botë, ndërsa ai i hapjes së një biznesi në vendin e 53-të nga vendi i 50-të një vit më parë. Indikatroi i vetëm në përmirësim është ai i marrjes së elektricitetit, nga vendi i 140-të në të 107-tin.

Pra, ndër 10 indikatorë vetëm një është përmirësuar, ndërkohë që disa kanë pësuar rënie drastike, ç’ka e ka bërë për rrjedhojë Shqipërinë bindshëm më pak tërheqëse për ata që duan të merren me biznes, e sidomos të huajt, pasi për Bankën Botërore vështirësitë janë të shumta, e madje shumë më të mëdha se vitet e kaluara.

/portali DurresLajm/

Na bëni like në facebook!: 

Lajme nga e njëjta kategori

Sipas parashikimeve të Komisionit Europian, ekonomia e Italisë ishte në stanjacion në 2018, dhe deri më tani nuk ka treguar shenja të një

Për një vend si Shqipëria, me të ardhura të ulëta, sigurisht që shpenzimet për restorante dhe hotele do të kenë një peshë shumë më të ulë

Pagat për punonjësit e administratës publike, ato në sektorin privat në tregti dhe shërbime dhe gjithashtu edhe punonjësit e thjeshtë, u

Rritja e remitancave në vitin 2019 ka ardhur si pasojë e tërmetit të 26 nëntoirt.

Çmimet e paketave të cigareve u rriten me 10 lekë në fillim të janarit.

Shqipëria duket se po tërheq gjithmonë e më shumë vëmendjen e sipërmarrësve të huaj.

Për familjet, të ardhurat e të cilave janë të pakta është e kuptueshme që shpërndarja e tyre do të shkojë tek gjërat më bazike, sikurse ë

Në Shqipëri politikat makro-ekonomike janë të gabuara, sistemi ekonomik nuk po funskisonon siç duhet për të nxitur shpirtin sipërmarrës d

Shqipëria renditet e shtata në Europë për prodhimin e portokallëve në vitin 2018, duke u ngjitur një vend në renditje në krahasim me një

Të gjithë vendosim disa objektiva për të realizuar në çdo fillim viti, por nëse njëri prej tyre është për t’u bërë milioner, për fat të k