Rënia e eksporteve, tkurret aktiviteti i transportit, por shtohen ndjeshëm pasagjerët nga ajri

27/05/2019 - 12:12

Teksa eksportet kanë shënuar rënie prej mbi 2% në 4 muajt e parë të vitit, në tkurrje ka ardhur dhe aktiviteti i transportit në porte dhe ai ajror për të njëjtën periudhë të vitit, ndërsa në rritje ishte transporti përmes hekurudhës. Në të kundërt, transporti i pasagjerëve nga ajri ka ardhur me rritje, duk reflektuar dhe interesin e shtuar të turistëve për vendin tonë.

Sipas të dhënave të INSTAT, volumi i mallrave të ngarkuara/shkarkuara në porte, në muajin prill 2019 është 373 mijë ton, duke u rritur 2,0 %, krahasuar me të njëjtën periudhë të vitit 2018.

Në katërmujorin e parë 2019, volumi i mallrave të ngarkuara/shkarkuara në porte është 1.409 mijë ton, duke u ulur me 15,3 %, krahasuar me vitin 2018.

Volumi i mallrave të transportuara me hekurudhë në muajin prill është 1.966 mijë ton-kilometër, duke u rritur me 47,5 %, krahasuar me prill 2018.

Në katërmujorin e parë 2019, volumi i mallrave të transportuara me hekurudhë është 6.212 mijë tonkilometër, duke u rritur me 41,2 %, krahasuar me të njëjtën periudhë të vitit 2018.

Në muajin prill 2019, volumi i mallrave të transportuara me ajër është 186 ton mallra, duke u ulur me  1,7 %, në krahasim me prill 2018.

Në katërmujorin e parë 2019, me ajër janë transportuar 751 ton mallra, duke u ulur 16,5 %, krahasuar me të njëjtën periudhë të vitit 2018.

Numri i fluturimeve të kryera, në prill 2019 është 2.178, duke shënuar një rritje me 9,3 %, ndaj prill 2018.

Numri i pasagjerëve që udhëtojnë me linjë detare në prill 2019 është 75.792 pasagjerë. Krahasuar me prill 2018, ky tregues është rritur 30,5 %. Në katërmujorin e parë 2019, kanë udhëtuar me linjë detare 227.298 pasagjerë, duke u rritur me 9,6 %, krahasuar me një vit më parë.

Në muajin prill 2019, transporti ajror i pasagjerëve zë 74,4 % të transportit gjithsej. Numri i pasagjerëve që kanë udhëtuar me linja ajrore, në katërmujorin e parë 2019 është 849.797 pasagjerë, duke u rritur me 10,0 %, krahasuar me të njëjtën periudhë të një viti më parë.

Eksportet / importet e mallrave sipas mënyrës së transportit

Në prill 2019, vlera e mallrave të tregtuara (eksport dhe import) është 84mld lekë dhe 50,6 % e tyre u transportua me det.

Në katërmujorin e parë të vitit 2019, vlera e mallrave të tregtuara (eksport dhe import) është 346 mld lekë dhe 52,2 % e tyre u transportua me det.

Eksportet e mallrave

Në prill 2019, mallrat e eksportuara me det zënë 54,4 %, me rrugë 44,9 % dhe me ajër 0,2 %. Mallrat e eksportuara me rrugë janë rritur me 31,2 %, krahasuar me të njëjtën periudhë të vitit paraardhës.

Në katërmujorin e parë të vitit 2019, mallrat e eksportuara me det zënë 60,1 %, me rrugë 38,4 % dhe me ajër 0,3 %.

Në katërmujorin e parë të vitit 2019, mallrat e eksportuara me rrugë janë rritur 15,7 % krahasuar me të njëjtën periudhë të vitit 2018.

Importet e mallrave

Në prill 2019, mallrat e importuara me det zënë 48,8 %, me rrugë 43,5 % dhe me ajër  2,7 %.

Mallrat e importuara me hekurudhë në prill 2019, janë rritur me 210,6 % dhe me rrugë janë rritur me  5,6 %, krahasuar me të njëtën periudhë të vitit 2018.

Në katërmujorin e parë të 2019, mallrat e importuara me det zënë 48,4 %, me rrugë 42,3 % dhe me ajër 3,2 %.

Mallrat e importuara me rrugë janë rritur me 3,4 %, krahasuar me të njëjtën periudhë të vitit paraardhës.

/Monitor

/portali DurresLajm/

Na bëni like në facebook!: 

Lajme nga e njëjta kategori

Durrësi e ka humbur vendin e dytë pas kryeqytetit përsa i përket rëndësisë që qyteti bregdetar ka në rritjen ekonomike në shkallë vendi.

Qendra e Tiranës rreth e qark sheshit “Skënderbej” po kthehet në një zonë me ndërtesa të larta, dendësia e të cilave, nuk i përgjigjet sh

Është porti më i madh në vend dhe një nga qytetet më të rëndësishme të vendit, por Durrësi ka mbetur prapa në kontributin e dhënë për rri

Gjergj Buxhuku, Administrator i Përgjithshëm i Konfindustrisë i kërkon ekzekutivit dhe grupit të menaxhimit të krizës kundër Covid-19 rik

Janë rreth 97 mijë punonjës që u është miratuar pagesa prej 40 mijë lekësh si pjesë e paketës së dytë financiare dhe 95 mijë prej tyre e

Shqipëria vlerësohet si një nga shtetet që do ta vuajë më shumë pandeminë e Covid-19 në ekonominë e saj, me një rënie që varion nga -5% s

Çmimet shumë të larta për blerjen e banesave, apartamenteve apo garazheve janë në disnivel të lartë me të ardhurat që kanë shqiptarët.

Shumëkush habitet me numrin e lartë të kafeneve që ka në Shqipëri, që i gjen në çdo cep.

Pandemia e koronavirusit po nxit rritjen e ekonomisë përmes qëndrimit në shtëpi.

Qeveria ka ndryshuar vendimin i cili i hap rrugë aplikimit të bizneseve të mëdha për të marrë kredi të buta në bankat e nivelit të dytë p