Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Si pandemia COVID-19 po e ushqen ekonominë përmes punës nga shtëpia

15/05/2020 - 07:36

Pandemia e koronavirusit po nxit rritjen e ekonomisë përmes qëndrimit në shtëpi. Mënyra se si konsumatorët punojnë, blejnë dhe veprojnë është gati të ndryshojë përgjithmonë.

Preferencat e konsumatorit janë zhvendosur drejt tregtisë elektronike dhe zbavitjeve, si dhe edukimit online për më shumë se një dekadë tashmë.

Sidoqoftë, pandemia e COVID-19 ka qenë një ndihmë për kompanitë që i shërbejnë ekonomisë përmes punës nga shtëpia, të cilat po shfaqin aftësi duke eksperimentuar njëkohësisht me ide të reja për të ndërtuar përshtatjen e markës.

Që nga mesi i marsit, Amazon ka punësuar 1 milion e 750 mijë punëtorë në Shtetet e Bashkuara për të përmbushur kërkesën e madhe për blerjet në internet.

Instacart, një kompani amerikane e teknologjisë që ofron produkte ushqimore në SHBA dhe Kanada, deklaroi se shitjet u rritën 10-fish, dhe ishin 20 herë më të larta në Kaliforni dhe Uashington, ku virusi u përhap më herët.

Kompania gjithashtu po përdor koncepte të reja, inovative për të përmbushur më mirë nevojat e konsumatorit si dhe për të ofruar më shumë komoditet dhe siguri për shëndetin dhe mirëqënien e tyre, siç është opsioni për të lënë produktet e porositura të pragu i klientit në një kohë të caktuar, pa kontakt të drejtpërdrejtë.

Në të njëjtën kohë, sipas shërbimit të rezervimeve të restoranteve në internet “OpenTable”, konsumimi në vend ra 42 për qind krahasuar me një vit më parë, shkruan "Monitor".

Transmetimi i videove ka qenë në rritje për më shumë se një dekadë, por vitin e kaluar, numri i abonentëve me streaming në të gjithë botën (613 milionë) e tejkaloi numrin e abonentëve kabllorë (556 milionë), sipas Shoqatës Filmike të Amerikës.

Me kërkesën e qeverive për të qëndruar në shtëpi është rritur edhe numri i abonimeve. Për shembull, Disney + ka pasur një rritje prej 75 për qind të abonentëve që nga fillimi i shkurtit dhe ka kaluar 50 milionë abonentë që paguajnë në pesë muajt e parë.

Midis krizës së koronavirusit, Zoom Video po udhëheq praktikat virtuale të punës nga shtëpia dhe është gati për të përshpejtuar një ndryshim sizmik në mënyrën e kryerjes së punës. Në ditët e para të pandemisë, aksionet e Zoom u rritën 58% deri më 13 Mars, ndërsa S&P 500 ishte në rënie prej 16% në të njëjtën periudhë. Ndërsa disa shtete dhe vende amerikane kanë filluar të rihapen, grupe të mëdha të punonjësve vazhdojnë të punojnë nga shtëpia.

Gjithashtu ne jemi duke parë kalimin e shpejtë të arsimit në internet në të gjitha nivelet, shkollën fillore, atë të mesme e deri në nivelin universitar. Teknologjitë dixhitale po riformulojnë botën e arsimit në mënyra të paimagjinuar më parë për një institucion historikisht rezistent ndaj ndryshimeve. Platoni dikur tha se “domosdoshmëria është nëna e shpikjes”. Ndoshta tani, arsimi do të ndryshojë aq shpejt sa teknologjia dhe do të kontribuojë në shoqëritë gjithëpërfshirëse me qasje të paparë në njohuri dhe mirëqenie.

Ndërsa ekziston një paqartësi në lidhje me ndikimin afatgjatë të pandemisë së koronavirusit, me një shkallë të lartë sigurie dihet se preferencat e konsumatorit do të vazhdojnë të zhvillohen me shpejtësi, pasi ata do të zbulojnë mënyra të reja për të marrë mallra e shërbime, për tu arsimuar dhe argëtuar duke punuar nga shtëpia.

Si rezultat i krizës, ekonomia e qëndrimit në shtëpi ka marrë një nxitje të madhe dhe do të katapultojë drejt lartësive të reja të krijimit të vlerave. Pse të dilni kur mund të arrini shumë më tepër duke qëndruar brenda?

Gjashtë muaj më parë, një grua e re mijëravjeçare më tha “të qëndrosh brenda do të thotë të dalësh jashtë”. Tani e di se çfarë do të thoshte me të vërtetë.

/portali DurresLajm/

Na bëni like në facebook!: 

Lajme nga e njëjta kategori

Të gjithë individët me të ardhura mbi dy milionë lekë, dhe të dypunësuarit, pavarësisht nga niveli i pageve, kanë edhe dy muaj kohë që të

Të dhënat zyrtare nga Ministria e Financave dhe ajo e Infrastrukturës tregojnë se, ndër vite ka një diferencë të lartë të kostove të puni

Shpenzimet e shqiptareve për prona jashtë vendit po rriten me shpejtësi viti pas viti duke treguar se një pjesë e fitimeve dhe kursimeve

Ministria e Financave raportoi se, detyrimet e prapambetura arritën në 23.8 miliardë lekë (194 mln euro) në vitin 2020 me një zgjerim pre

Shqipëria u rendit me çmimet më të larta të energjisë elektrike për konsumatorët familjarë në Rajon për gjysmën e dytë të vitit 2019 sipa

Kriza pandemike e cila i përçoi efektet negative të saj më së shumti në tregun e punës, ka ndikuar negativisht edhe punësimin me kohë të

Shumica e vendeve të Ballkanit, sidomos Shqipëria, e sakrifikuan shëndetin e popullatës në kohën e pandemisë për rritjen ekonomike.

Në të gjithë botën deficitet buxhetore të qeverive u rriten gjatë vitit të kaluar si rrjedhojë e krizës pandemike.

Importet e mallrave të akcizës janë rigjallëruar gjatë muajit mars duke arritur nivelet e parakrizës.

Indeksi Global i Mundësive 2021 e rendit Shqipërinë të 78-n në botë për tërheqje investimesh dhe njëkohësisht, ndër shtetet me luhatjen m