TAP, Panariti takon ministrat e jashtëm të Italisë dhe Azerbajxhanit

05/02/2013 - 08:41

 

TIRANE - Ministri i Punëve të Jashtme, Edmond Panariti, gjatë punimeve të Konferencës "Përqasje të reja në reformën e Këshillit të Sigurimit", që u mbajt në Romë, u takua me Ministrin e Jashtëm italian, z. Giulio Terzi dhe me Ministrin e Jashtëm të Azerbajxhanit, z. Elmar Mamedyarov. 

Në bisedën me Ministrin Terzi u theksuan raportet e shkëlqyera mes dy vendeve dhe u shpreh vullneti për t'i çuar ato përpara. Ndër të tjera u diskutua mbi mbështetjen që qeveritë e të dy vendeve i japin realizimit të projektit TAP. Shprehje e këtij vullneti do të jetë nënshkrimi së afërmi i Marrëveshjes Ndërqeveritare mes Shqipërisë, Italisë dhe Greqisë. 

Në takimin me Ministrin e Jashtëm të Azerbajxhanit, Ministri Panariti theksoi vullnetin e qeverisë shqiptare për të zgjeruar marrëdhëniet me Azerbajxhanin në të gjitha fushat, kryesisht atë ekonomike. Të dy ministrat ranë dakord për të punuar në drejtim të nxitjes së investimeve reciproke në sektorin privat dhe realizimin e projekteve të përbashkëta si në fushën e infrastruktures dhe energjisë. 

Ministri Panariti nënvizoi mbështetjen e fuqishme që qeveria shqiptare i ka dhënë realizimit të projektit të Gazsjellësit Trans-Adriatik, i cili do të transmetojë gazin azer në drejtim të Europës Perëndimore. Duke vënë në dukje përparësitë e Projektit TAP, Ministri Panariti tha se ai do të krijojë një perspektive të re për zhvillimin ekonomik të Shqipërisë dhe rajonit. TAP, tha ai, ka gjithashtu mbështetjen e Italisë e Greqisë, dhe të tre vendet janë të vendosura për të ndërmarrë të gjithë masat e nevojshme që ky projekt të dalë fitues. Për këtë qëllim, tha ai, do të nënshkruhet gjatë këtij muaji Marrëveshja Ndërqeveritare mes tre vendeve. 

Nga ana e tij Ministri Mamedyarov vlerësoi përpjekjet e Shqipërisë në drejtim të realizimit të Projektit TAP, si dhe bashkëpunimin që ka vendosur me Italinë dhe Greqinë për të mundësuar miratimin e tij. 

Në përfundim Ministri Panariti e ftoi homologun azer për një vizitë në Shqipëri, ftesë e cila u pranua me kënaqësi. 

/portali DurresLajm/

Na bëni like në facebook!: 

Lajme nga e njëjta kategori

Anthony Fauci, eksperti kryesor i sëmundjeve infektive amerikane, ka deklaruar se fakti që nuk i duhet të punojë më me Donald Trump është

Guvernatori i Bankës së Shqipërisë, Gent Sejko priti në një takim zyrtar në Bankën e Shqipërisë, Ambasadorin e ri të OSBE-së në vendin to

Rreth 188 milionë euro vlerë likuiditeti përfituan bizneset shqiptare nga shtyrja e kësteve të kredive, masë të cilën e ndërmori Banka e

Shqipëria u përfshi pak kohë më parë nga debati i legalizimit të mjeteve virtuale duke argumentuar se vetëm përmes rregullimit të kuadrit

Tërmeti shkatërrues i 26 nëntorit 2019 rriti varfërinë subjektive (perceptimi që ka një person për situatën e tij financiare dhe material

Shqipëria mund të jetë një destinacion tërheqës për prodhuesit europianë, të cilët po marrin në konsideratë zhvendosjen e njësive të prod

Maryam Salim, menaxhere e zyrës së Bankës Botërore në Shqipëri, në një intervistë ka bërë një përshkrim të situatës ekonomike në të cilën

Dorian H. është një i ri shqiptar që ka fituar deri më tani 200 mijë dollarë nga puna online për individë dhe kompani jashtë vendit.

Nëse ke mbaruar shkollën e lartë, ke më shumë mundësi që të mbetesh i papunë, në krahasim me dikë që ka vetëm arsim 8-9 vjeçar.