“Varfërohen” familjet e pasura, rrisin shpenzimet për ushqime, i ulin për restorante më 2018-n

04/10/2019 - 07:39

Familjet e pasura shqiptare, 20 përqindëshi më të ardhurat më të larta, i ka limituar shpenzimet për hotele dhe restorante etj., më 2018 në raport me një vit më parë, teksa shihet se kane rritur ndjeshëm shpenzimet për ushqim.

Sipas INSTAT në vitin 2018 familjet e pasura përdoren 36 për qind të buxhetit të tyre mujor për konsumin e ushqimeve në shtëpi, kjo peshë ishte me ulët gjatë vitit 2017 me 35% te totalit.

Pas ushqimeve familjet e pasura shqiptare shpenzimet më të larta i kryejnë për udhëtime, pasi 10.4 për qind te buxhetit mujor e çojnë për shërbimet e transportit, të cilat gjithsesi kanë një peshë më të ulët në totalin e shpenzimeve në raport me një vit më parë.

Familjet e pasura gjithashtu janë treguar me konservatore në lidhje me shpenzimet që kanë banesat, arsimin dhe argëtimin. Këto zëra kanë zënë një peshë më të ulët në buxhetin e tyre mujor në raport më vitin 2017.

Struktura e shpenzimeve tregon se edhe në familjet e pasura buxheti në pjesën dërrmuese të tij shkon për përballimin e shpenzimeve për ushqime.

Familjet më të ardhura të larta krahas ushqimeve kanë rritur shpenzimet e kujdesit për shëndetin dhe komunikimin.

Ndërsa familjet shqiptare që përfshihen në 20 përqindëshin e poshtëm të te ardhurave dhe që përfaqësojnë shtresën më të varfër në vend harxhojnë vetëm 0.2 për qind të të ardhurave mujore për t’u arsimuar, ose 15 herë më pak se mesatarja kombëtare prej 3%, ndërsa 53.3% të buxhetit mujor e përdorin për blerjen e ushqimeve, ndërsa 22.7% të pjesës së mbetur e përdorin për qiranë, faturat mujore të dritave dhe të ujit dhe mirëmbajtjen e banesës.

Familjet e varfra harxhojnë shumë më pak se mesatarja kombëtare për shëndetin, komunikimin, transportin, argëtimin etj.

Bazuar në anketën e buxhetit të familjeve 2018, shpërndarja e shpenzimeve për konsum sipas decileve tregon se 90% e familjeve shpenzon 83,9% të vlerës së konsumit gjithsej, me një mesatare të shpenzimeve për konsum prej 70.788 lekë në muaj.

Nga ana tjetër, 10% e familjeve shpenzon 16,1% të konsumit gjithsej, me një shpenzim mesatar prej 122.242 lekë në muaj.

Shpenzimet mesatare për konsum të 10 % të familjeve me shpenzime më të larta janë 1,7 herë më shumë se ato të 90% tjetër të familjeve.

Konsumi për frymë i 90% të familjeve me shpenzimet më të ulëta janë mesatarisht 20.294 lekë në muaj, ndërsa 10% i familjeve me shpenzimet më të larta janë mesatarisht 60.987 lekë në muaj për frymë. Raporti i decileve 10/90 është 3,0 herë më i madh, në favor të 10% të familjeve.

Shpenzimet mesatare për konsum të familjeve tregojnë se në vitin 2018 ka pasur një ulje prej 19,6% të shpenzimeve të 10% të familjeve me shpenzimet më të larta dhe një rritje prej 9,5% të shpenzimeve mesatare për konsum të 90% tjetër, në krahasim me vitin 2017. /Monitor

/portali DurresLajm/

Na bëni like në facebook!: 

Lajme nga e njëjta kategori

Struktura e borxhit të familjeve shqiptare është shumë e ndryshme, që nga kredia bankare deri tek tregjet informale, overdrafti dhe të as

Pas tërmeteve “tundet” qeveria, nuk regjistrohen pronat pa sigurim 10-vjeçar.

Mbi 2000 familje të vrojtuara nga Banka e Shqipërisë raportuan rënie të punësimit, të ardhurave dhe shpenzimeve në gjashtë muajt e parë t

Edhe gjatë ditës së sotme, monedha e përbashkët europiane ka fituar pikë ndaj Lekut vendas. Sipas kursit zyrtar të Bankës së Shqipërisë,

Banka e Shqipërisë raportoi se çmimet e banesave janë rritur me 1.8 për qind në gjashtëmujorin e parë të vitit në raport me të njëjtën pe

Pas kërkesave të vazhdueshme të grupeve të interesit, procesi i fiskalizimit është shtyrë dhe nuk pritet më të fillojë më nga 1 janari, s

Ekonomia shqiptare pritet të ngadalësohet në 2.9% këtë vit, për shkak të uljes së prodhimit të energjisë nga pakësimi i reshjeve, raporto

Bankat në Shqipëri kanë efektivitet shumë të ulët në ekonomi, për shkak se japin kredi me një përqindje shumë më të ulët se depozitat që

Sot ka dalë në qarkullim seria e re e kartëmonedhave 200 deri në 5000 lekë.

Ritmet e rritjes ekonomike janë ngadalësuar ndjeshëm në 6 muajt e parë të vitit, një tendencë e pritshme kjo, teksa vitin e kaluar gati g