Zbulohet njëri nga shkaqet e rënies së euros

24/05/2018 - 19:07

   Euro ka vijuar rënien dhe gjatë ditës së sotme, duke vijuar të vendosë rekorde të reja të 10 viteve të fundit.

Sipas kursit zyrtar të Bankës së Shqipërisë, një euro u këmbye sot me 126.64 lekë, me një rënie prej 0.1 lekë në krahasim me ditën e mëparshme dhe duke shënuar 6 ditë radhazi me nënçmim dhe nivelin më të ulët nga fillimi i shkurtit të vitit 2009. Si rrjedhojë monedha e përbashkët i ka humbur piket që fitoi nga mesi i majit.

Ekspertët pohojnë se krahas faktorëve të tjerë që kanë rritur në mënyrë të qëndrueshme ofertën për valutë, si burimet informale dhe ato formale, në rënien e shpejtë të tij po ndikojnë dhe bankat, të cilat pas procesit të shit blerjeve po kryejnë konvertimin e kapitalit nga euro ne lekë, çka ka shtuar ofertën për valutë ne treg.

Ekspertët pohojnë se ecuria e kursit do të varet nga shpejtësia me të cilën bankat do të bëjnë këto konvertime, por gjithsesi shumat e mëdha ndikojnë në ecurinë e kursit.

Një fakt të tillë e ka konfirmuar dhe zëvendës guvernatorja e Bankës së Shqipërisë, znj. Elisabeta Gjoni, e cila në një intervistë të fundit për Monitor ka pohuar se “Gjithashtu, nga informacionet në shtyp, publiku është njohur me vendimet e disa bankave për të konvertuar pjesë të kapitalit të tyre nga valuta në lek.

Ndonëse ky është një veprim normal, plotësisht i mbështetur në kuadrin rregullator, që ka ndodhur edhe më parë, nuk përjashtohet mundësia që lajmi të ketë ndikuar në pritjet e agjentëve ekonomikë për ecurinë e kursit të këmbimit”.

Por, ajo thekson se efekti i këtyre veprimeve, të cilat janë të rralla, është tërësisht i përkohshëm. “Për më tepër, bankat po tregojnë kujdesin e duhur që veprimet të shtrihen maksimalisht në kohë dhe të kryhen në momentet më të përshtatshme”, ka pohuar znj.Gjoni.

Deri në fund të verës, pritet të ndikojnë dhe prurjet e turizmit dhe emigrantët, që e bëjnë jo pozitive perpektivën e euros./Monitor

/portali DurresLajm/

Na bëni like në facebook!: 

Lajme nga e njëjta kategori

Një projektligj “Për mbrojtjen civile” ka në thelb përcaktimin e dokumenteve strategjikë, procedurave standarde, ndarjen e përgjegjësive

Këshilli Bashkiak i Tiranës pritet që të miratoje në mbledhjen e datës 15 nëntor një rregullore që sanksionon kushtet e zënies dhe përdor

Duke filluar nga 1 prilli i vitit të ardhshëm, do të kenë rritje të pagave 6.800 ushtarakë të Forcave të Armatosura. 

Ministri i Financave dhe Ekonomisë Arben Ahmetaj tha sot se, totali i shpenzimeve publike në projektbuxhetin e vitin 2019 është planifiku

Monedhat kombëtare janë forcuar në të gjithë rajonin përgjatë vitit të fundit, por në Shqipëri mbiçmimi i monedhës kombëtare Lekut, kundr

Monedha europiane euro duket se nuk po gjen stabilitet as gjatë kësaj fundjave, duke pësuar sërish rënie me 0.28% në krahasim me monedhën

Vendet e rajonit po e orientojnë buxhetin bazuar në prioritetet strategjike të zhvillimit të qëndrueshëm, Shqipëria e ka mendjen tek konc

Drejtoria e Përgjithshme e Tatimeve ka njoftuar se në dy muajt në vijim do të jenë në terren në kuadër të fushatë antiinformalitet.

Përveç taksave të drejtpërdrejta që përdoruesit e automjeteve do të paguajnë për Autostradën e Kombit, që shkojnë nga 5 euro për autovetu

Ministria e Financave ka bërë me dije se më 13 nëntor të këtij viti do të nxjerrë në ankand 9,8 miliardë lekë në Bono Thesari.