Arbana Osmani: Misioni im këtë vit më i vështirë

23/02/2013 - 11:06

TIRANE, 23 shkurt 2013- Nëse ka diçka që nuk ndryshon kurrë në “Big Brother”, ajo është Arbana Osmani. Moderatorja e suksesshme do të drejtojë për të gjashtin vit radhazi reality show-n më të ndjekur nga shqiptarët, “Big Brother Albania”. E pyetur se si e ka kaluar këtë kohë të shkurtër pushimi, pas përfundimit me sukses të edicionit të dytë të “1001 Pse”, Osmani është përgjigjur kështu: “Pas përfundimit të ‘1001 Pse’, kam pasur shumë pak kohë për të pushuar, por e kam shfrytëzuar maksimalisht. Disa ditë në mal, Prishtinë, një javë në Berlin për Festivalin e Filmit, aq sa më duket sikur nuk kam pushuar fare”, – rrëfen moderatorja energjike.

Më tej, biseda rrjedh vetë dhe Arbana nis të tregojë për punën e saj në këtë edicion të gjashtë të “Big”-ut: “Ndryshe nga vitet e kaluara, këtë vit, me formulën e ndryshuar të ‘Big Brother’, ndryshon edhe fokusi dhe puna ime bëhet pak më delikate dhe e vështirë. Gjithsesi, kam preferuar që edhe unë të mos i di sekretet, por t’i zbuloj aty dalëngadalë, bashkë me publikun, sepse unë ‘ Big Brother’ nuk dua veç ta prezantoj, por edhe ta jetoj me çdo emocion që ky spektakël transmeton. Nuk i kam takuar ende konkurrentët dhe nuk e kam parë ende studion, pasi kam qenë në udhëtim gjatë gjithë kohës”, – tregon ekskluzivisht për suplementin, ajo që nga shumëkush cilësohet si moderatorja më e mirë e ekraneve shqiptare.
 
Ndonëse ishte shumë e rezervuar në përgjigje, kërshërisë sonë për të zbuluar më shumë rreth spektaklit, as Arbana nuk i rezistoi dot. “Për veshjet këtë vit, bashkë me stafin e profesionistëve të look-ut që më ndjek, kam vendosur të promovoj artistët e rinj të modës në Shqipëri e Kosovë. Çdo natë do vishem nga një stilist i ri shqiptar, duke i mundësuar lançimin në një program me audiencë të madhe siç është ‘ Big Brother”. Shpresoj që veshjet të pëlqehen e të pranohen pa paragjykime, sepse janë vërtet ‘designer pieces’ të krahasueshme me emrat e mëdhenj të modës botërore që kam veshur vitin e kaluar. Kam parë shtëpinë e “BB” dhe është një mrekulli. Ah, edhe diçka: këtë vit këpucët e mia do të kenë taka”, – rrëfen Osmani me buzën në gaz, duke na zbuluar kështu një detaj të rëndësishëm të spektaklit, siç është dukja e saj gjatë të shtunave dhe arredimi i shtëpisë ku do të jetojnë për 100 ditë 16 banorët e përzgjedhur. Në fund, pak përpara se ta mbyllnim bisedën, e ngacmojmë Arbanën duke e pyetur “në ka menduar ndonjëherë të heqë dorë nga ‘Big Brother’”. – “E kam ende përzemër ‘ Big Brother’, sepse është një format që rishpik vetveten dhe stafi që punon për të janë profesionistë që unë i vlerësoj”, – ishte përgjigjja e saj e fundit, e cila u pasua nga ftesa për të ndjekur me vëmendje këtë vit “Big”-un, sepse do të ketë shumë ndryshim nga edicionet e mëparshme.

 

/portali DurresLajm/

Na bëni like në facebook!: 

Lajme nga e njëjta kategori

I ftuar në emision “Thumb” në ABC News, aktori i njohur i humorit, Bes Kallaku ka folur për vështirësitë me të cilat është përballur në f

Aktori i famshëm, Orlando Bloom ka nxjerrë në shitje vilën e tij në Beverly Hills për 8.9 milionë dollarë.

Çiljeta ka treguar herë pas here me anë të postimeve të ndryshme në ‘Instagram’, në intervista, por jo vetëm, se një nga dashuritë më të

Adi Krasta është një ndër moderatorët më të suksesshëm të Shqipërisë pavarësisht viteve që ikin.

Këngëtarja angleze e shumë hiteve Adele ka njoftuar së fundmi se ajo është ndarë nga bashkëshorti i saj Simon Konecki.

Pas martesës së zhurmshme, shumë shpejt filluan të dalin thashetheme se Priyanka Chopra është shtatzënë.

Ditën e djeshme, aktori i njohur i humorit, Olsi Bylyku, festoi 21-vjetorin e tij të lindjes e sigurisht që nuk mungonin urimet e shumta

Robert Berisha sot cilësohet si një nga meshkujt më tërheqës të showbiz-it shqiptar dhe ka arritur të fitojë zemrat e të gjithëve.

Pasditen e sotme, violinisti shqiptar me famë botërore Olen Çesari ishte i ftuar në emisionin “Ftesë në Pesë” prej ku foli për fëmijërinë

Këngëtarja shqiptare nuk do të jetë më shtetase shqiptare.