Këngëtari i njohur Erik Lloshi i dha fund beqarisë, fundjavën që sapo kaloi në një dasmë që zgjati disa ditë. Në dasmën e tij sigurisht që nuk mungonin personazhe të njohur të ekranit, disa prej të cilëve edhe kënduan.
Por mes të ftuarve është vënë re mungesa e mikeshës së tij, Anxhela Peristerit, e cila në ditën e martesës së këngëtarit ishte e pranishme në një tjetër dasmë së bashku me mikun e saj Aurel Thëllimi.
Prej kohësh përflitet se marrëdhënia e tyre është prishur, kohë kur Eriku nuk shkoi në koncertin e këngëtares dhe duket se mungesa e kësaj të fundit në dasmë i konfirmon zërat.
Këngëtarët kanë pasur një marrëdhënie të ngushtë me njëri-tjetrin, madje bashkë kanë edhe disa bashkëpunime muzikore.