Mesazhet e koduara të Liberta Spahiut për lidhjen e trazuar me Flori Mumajesin

13/09/2018 - 14:22

Që nga janari i këtij viti, kur kantautori i njohur Flori Mumajesi deklaroi hapur lidhjen me Liberta Spahiun, duket se këto tetë muaj e kanë ndryshuar moderatoren e “Prive”. Si kurrë me parë, Liberta e ka kthyer Instagram-in në një ditar dashurie për lidhjen që mund të konsiderohet “e trazuar” me muzikantin nga Tirana, që këtë vit festoi 36-vjetorin.

Ndërkohë që për lidhjen e tyre përflitej që në prill të vitit 2017, çifti e zyrtarizoi historinë e fshehtë në mbrëmjen e fillimjanarit, kur Liberta festoi 33-vjetorin në club-in ku Flori kishte koncertin e radhës me djemtë e “Threedots”. Nuk mungoi një urim i përzemërt edhe nga ana e tij në ditëlindjen e Libertës, ashtu në sy të të gjithëve e në mes të koncertit. “Gëzuar ditëlindjen dhe jam me fat që të kam pranë!”, u shpreh Mumajesi, ndërkohë që Liberta u pa të emocionohej nga dedikimi i tij.

Video e këtij momenti u shpërnda në rrjetet sociale nga Alaudin Hamiti, gazetari i njohur i “NIN”, i cili është një nga miqtë më të ngushtë të Libertës. Ndërkohë që mediat e Kosovës po aludonin për këtë marrëdhënie nëse ishte dashuri apo thjesht miqësi, ishte vetë Liberta ajo që postoi një foto ku tregonte një unazë në gisht, që u tha se ishte dhuratë nga Flori. Por me kalimin e muajve, nuk u pa që Liberta ta mbante këtë unazë në gisht, sidomos në pushimet e saj verore në vende si: Spanja, Dubai apo Tanzania.

Çdo ditë, Liberta bashkë me fotot seksi me bikini shkruante statuse të koduara ku shprehte gjendjen e saj shpirtërore. Në njërin prej tyre shkruante “U dogj loja”, ndërsa në një foto tjetër shkruante “E dehur jo, por e lagur”, që u komentua si një kunjë e saj për bashkëpunimin “Dashni me raki”, që Flori Mumajesi bëri me ish-të dashurin e saj Getoar Selimin.

Ndërsa në një set tjetër ku shfaqet sensuale pa të brendshme poshtë një xhakete xhins, Liberta shkruante “Mendoj për ty gjithë kohën”. Kujtojmë që lidhja e Flori Mumajesit me Libertën nisi fill pas shkëputjes së tij nga Elvana Gjata, njëkohësisht ish-mikesha e ngushtë e moderatores së “Prive”. Kështu, në programin më të ndjekur të showbiz-it në “Klan Kosova”, Liberta e cila është jo vetëm moderatorja, por edhe producentja e programit, transmetoi një kronikë televizive ku analizonte në mënyrë të sofistikuar arsyen e kthimit të Elvanës nga Shtetet e Bashkuara të Amerikës.

Në terma të tjerë mund të konsiderohej një “zhgënjim” apo një “dështim” i saj në SHBA me klipin “Forever Is Over”, që sipas kronikës në fjalë nuk përmbushi pritshmëritë e vetë Elvanës në radhë të parë, pasi nuk mori klikimet e mjaftueshme për t’u konsideruar një sukses. Kujtojmë që para se Liberta të bëhej e dashura e Florit, ishte shoqja e Elvanës nga miku i përbashkët Valdrin Sahiti, të cilin e kanë ende një shok të përbashkët, edhe pse ato nuk kanë më komunikim me njëra-tjetrën.

Për lidhjen me Libertën, Flori la Tiranën për të nisur një jetë të re në Prishtinë ku në fillim u tha se bashkëjetonte me prezantuesen. Më vonë, në një nga rubrikat e emisionit “E diela shqitare” të Ardit Gjebresë, Flori tregoi se në atë shtëpi ai jetonte me djemtë e tjerë muzikantë të grupit “Threedots”. Ndërkohë, gjatë gjithë këtyre muajve ata nuk kanë postuar asnjë foto bashkë, po ashtu as paparazzët nuk kanë arritur t’i fotografojnë çift apo në shoqërinë e njerëzve të tjerë në eventet e Prishtinës. /PANORAMA PLUS

/portali DurresLajm/

Na bëni like në facebook!: 

Lajme nga e njëjta kategori

Kylie Jenner është njëra prej femrave më të pëlqyera në gjithë botën dhe falë pamjes së saj tërheq vëmendjen gjithmonë.

Merita Halili është një ndër këngëtaret më të preferuara dhe të njohura të muzikës popullore, e cila ka depërtuar në të gjitha skajet e S

I rritur në Shtetet e Bashkuara të Amerikës, shqiptaro-amerikani i njohur me emrin e artit, Big Cruz, ka vendosur që të rikthehet në vend

Aktorja e njohur turke, Farah Zeynep Abdullah ka zgjedhur jugun e Shqipërisë për të bërë pushimet.

Një agjent 007 më ndryshe se kurrë.

Njësoj si Blendi Fevziu, edhe moderatori Sokol Balla ka zgjedhur që këto pushime t’i kalojë me fëmijët e tij. 

E bukur, elegante dhe plot finesë, Adrola Dushi, modelja e njohur duket perfekte, por në fakt, ashtu si ne edhe ajo ka disa vese.

Irina Shayk nuk dëshiron të duket "e përsosur" gjatë gjithë kohës.