Këngëtarja e njohur nga Barbados, Rihanna, emri i plotë i së cilës është Robyn Rihanna Fenty, ka çuar në gjykatë babain e saj Ronald Fenty, për arsye se ka shkelur copyright e markës së saj "Fenty", duke e përdorur për të krijuar një agjenci talentesh.
Por nuk është e gjitha, 30-vjeçarja ka mohuar që është pikërisht i ati përfaqësuesi i saj, ashtu siç ai ka thënë. Riri ka regjistruar pikërisht mbiemrin e saj Fenty si markë për ndërmarrjen e saj që realizon produkte të ndryshme nga ato të bukurisë tek të brendshmet.
Ndërsa babai i saj përdor i paautorizuar të njëjtin emër të markës së saj për punët e tij. Pavarësisht se nuk është i autorizuar të veprojë në emër të Rihanna-s, Ronald duke u hequr si agjent i këngëtares ka “rezervuar” një turne të saj për 15 milionë dollarë dhe dy koncerte për 400 mijë dollarë.
Rihanna kërkon që të dëmshpërblehet nga i ati dhe një vendim gjyqësor për biznesin e tij, të cilin e ka krijuar në vitin 2017.
