Në një intervistë për "The Sun", këngëtarja me origjinë shqiptare Rita Ora ka treguar për vizitën e fundit në Kosovë, pak javë më parë për të vizituar familjet e varfra.
Rita tha se u kthye në vendlindje sepse nuk kishte ardhur prej disa kohësh ndërsa ka treguar se ka vizituar vende që nuk kishte qenë asnjëherë dhe ishin më keq seç i priste.
"Unë u ktheva në vendin tim sepse nuk kisha qenë aty për disa kohë. Dhe nuk kisha qenë në ato vende ku shkova, ishin më keq seç e prisja. Vizitova shtëpitë dhe pashë fëmijët që nuk janë arsimuar, dhe nënat e reja. Shkova atje për të parë se çfarë bën UNICEF sepse ndonjëherë ti nuk i sheh rezultatet."
Ndërsa këngëtarja theksoi edhe njëherë faktin se është shumë e bekuar që ju dha mundësia të jetonte në Britani.
"Por unë jam e bekuar dhe mirënjohëse që isha në gjendje të vija në Britani dhe të bëja ëndrrat e mia realitet, si edhe ëndrrat e prindërve,"-shtoi Rita.
