Moderatorja, Rudina Magjistari rrallë flet për vajzën e saj, por këtë herë ndodhi dhe në emisionin që ajo drejton ku e ftuar ishte Egla Harxhi. Në intervistën e saj ish- Miss Shqipëria 2007 foli për jetën e saj pas lindjes së djalit dhe statusin e ri që fitoi nga një lidhje treshe.

Gjatë kohës që Egla rrëfente përjetimet e saj të muajve të parë të mëmësisë, Rudina bashkë me publikun ishin sy e veshë për të kuptuar përjetimet e një nënë të re. Dhe moderatorja përfitoi nga një moment për të treguar edhe ajo përjetimet e saj si një nënë e re.

“Ajo që kam ndier unë kur kam lindur vetë është një ndjesi triumfi e jashtëzakonshme. Ndihesha njeriu më krenar në botë, pasi përfundoi e gjitha. Gjithçka harrohet dhe ti ndien vetëm lumturi në atë moment”, – tha Rudina.