Një tjetër sherr ka lindur në rrjetet sociale ditën e djeshme. Këtë herë Olti Curri dhe Noizy kanë shpërthyer në akuza dhe ofendime në rrjetet sociale. Shkak është bërë një postim i reperit me kryebashkiakun Veliaj, ku fliste për kartën e studentit. Blogeri ka postuar këtë foto në rrjetet sociale, duke e ironizuar Noizyn.

Me këtë kartën e studentit e kap me ulje bluzën Nike të Noizy-t apo jo?”, shkruante Olti duke ironizuar kartën e studentit që doli vetëm pak javë më parë në dispozicion. Edhe përgjigja e reperit ka qenë tejet e ashpër, i cili ka kaluar në akuza direkte ndaj Oltit.

“Olti Curri rob i dështum nga jeta s’po të them gay, se gay është Elton John, pastaj është zgjedhja jote jo e imja, gjithsesi për studentët është me ulje firma @illyrianbloodline që për 1 vit ka bërë më shumë seç do bësh ti gjithë jetën me fotot që poston nëpër Instagram me marr 50€  peace and love bro të fala gjitha portaleve tani. Ps: nuk isha aty me reklamu firmën time, isha për të firmosur një kontratë, por ti s’di çfarë janë kontratat, se je blogger”!

Më pas reagoi Olti përmes një serie postimesh në Instagram, ku nuk munguan edhe kërcënimet që i kishin ardhur me mesazh nga ndjekës të reperit:

“Hahahahah Noizy e paska bo përrallën për kalamajtë që e ndjekin. Do i kisha kthyer përgjigje gjerë e gjatë por të mbarojë abetaren dhe pastaj kismet. Ato lekët çoja Blerimit se mjaft luajte me lekët e huaja. Sa për seksualitetin më duket po ma lyp, por s’të ndihmoj dot. Kalo nga Elton John meqë e kishe fiksim”, ia pret Olti.