U tha se ishte ndarë nga burri, Inva Mula sqaron si është e vërteta

19/07/2019 - 11:03

Prej disa ditësh qarkullojnë lajme në portale se sopranoja e famshme Inva Mula është ndarë nga bashkëshorti i saj, Hetem Ramadani. Në fakt, kjo nuk është hera e parë që shkruhet për një ndarje të mundshme mes çiftit. E ftuar ë emisionin “I ftuari”, Inva ka reaguar për herë të parë për lajmin e ndarjes.

“Unë për këtë lajm nuk jam pyetur fare. Madje, kam qenë me pushime dhe nuk e dija fare që kjo gjë kishte ndodhur. Isha e shkëputur edhe nga telefoni, por një mikesha ime po insistonte duke më telefonuar. Ajo ma dha lajmin, por unë e anashkalova, pasi po të kërkosh në Google gjen shpesh lajme për ndarjen time. Nuk e di kush e do një gjë të tillë, por nuk ka ndodhur akoma dhe për këtë e siguroj publikun. Unë e anashkalova, por nuk e dija që ky lajm kishte marrë një bujë kaq të madhe”, është shprehur Inva Mula.

Inva në fakt vijoi më tutje duke treguar se ky lajm e ka shqetësuar shumë familjen dhe miqtë e saj.

“Ky lajm shqetësoi familjen time, miqtë, por unë po e zhdramatizoj. Njerëzit na kanë thënë se pse nuk reagojmë. Por si të reagosh, kur ti shikon se personazhi kryesor je ti dhe nuk i përngjan jetës tënde”, ka treguar Inva.

Për sa i përket arsyes pse këto lajme përhapen vazhdimisht për të, Inva e ka sqaruar edhe motivin sipas saj. Në datat 24 deri më 28 korrik në qytetin e bukur të Korçës do të mbahet ‘Mik festival’, organizatorja e të cilit është sopranoja e njohur shqiptare. Do të jenë pesë net të mbushura me emocione, me ngjarje të ndryshme, të cilat do të përcjellin emra të njohur artistësh jo vetëm të muzikës klasike por edhe të asaj popullore qytetare dhe mjeshtra të serenatave korçare. Inva sqaroi se lajmi i ndarjes mund të përdoret edhe si një antireklamë për festivalin.

“Për mua është një antireklamë për festivalin. Unë nuk do të thosha se kam armiq. Ka njerëz të papërgjegjshëm dhe njerëz me smirë, të cilët nuk duan që Inva të jetë në aktivitet artistik, të lërë pushimet, të vijë këtu, të punojë në këtë vapë të madhe, në këtë pluhur të madh, të punojë dhe të sjellë 120 artistë, të financojë, të marrë njerëz të ri. Nuk paska interes për një gjë të tillë, por paska interes të nxirret një lajm i paqenë në një moment dhe t’i bien ndesh pikërisht aktivitetit artistik. Ky është fenomeni që mua më ka prekur, pasi lajmi ka gjithë kohës që jam ndarë dhe kush e dëshiron këtë nuk e di. Unë kam marr në telefon kryeredaktorin e gazetës që publikoi e para lajmin dhe i kërkova të bëjnë kërkime në burimin e kësaj gënjeshtre. I kërkova dhe ta përgënjeshtrojnë”, ka sqaruar më tej Inva.

/portali DurresLajm/

Na bëni like në facebook!: 

Lajme nga e njëjta kategori

Nuk e ka fshehur kënaqësinë e të qenit edhe këtë vit fitues, por si kompozitor.

Adi Krasta rikthehet sërish në ekran. Këtë herë jo më në Shqipëri, por në një television në Kosovë.

Teksa iu përgjigjet pytjeve të fansave në Instagram, moderatorja Nevina Shtylla ka zbuluar planet e së ardhmes.

Këngëtarja e njohur, Soni Malaj është mjaft aktive me postimet e saj në rrjetet sociale ku vazhdimisht poston foto nga përditshmëria apo

Këngëtarja Ingrit Gjoni është rikthyer pas në kohë duke risjellë në vëmendje fillimet e karrierës së saj.

Pasditen e djeshme në emisionin “Ftesë në 5” ishte e ftuar modelja Klaudia Kalia, ku foli për jetën e saj dhe angazhimet që lidhen me mod

Kantautorja e njohur amerikane Taylor Swift është shpallur si këngëtarja më e paguara në botë për vitin 2019 sipas revistës ‘Forbes’.

Tani që nuk është në politikën aktive, duket se ish-kryetarja e Kuvendit të Shqipërisë, Jozefina Topalli, ka më shumë kohë për të kaluar

Për herë të parë Brad Pitt iu është adresuar jetës së tij private.

Pak kohë më parë Robert Berisha habiti të gjithë kur me anë të një postimi në rrjetet sociale njoftonte se ai dhe Nora ishin ndarë.