Mes kërcimit, teatrit dhe televizionit. Rrëfehet Rudina Dembacaj

23/11/2017 - 11:31

Herë Aja nga radhët e popullit e herë Jozefina Topalli nga kupola politike, mes këtyre dy karaktereve qëndron personazhi i vërtetë, Rudina Dembacaj.

Shumë e angazhuar profesionalisht, Rudinën e shohim në tri destinacione të ndryshme; në skenën e "Dance with me", në taksinë e "Mos i fol shoferit" dhe në skenën e teatrit në shfaqjen "Boeing".

Për jetën mes kërcimit, teatrit dhe televizionit Rudina rrëfehet për gazetën "Panorama"…

Të shohim të hënave në skenën e "Dance with me". U përshtate shpejt me skenë, meqenëse u shprehe se nuk të lidhte asgjë me kërcimin?

Më ka pëlqyer gjithmonë kërcimi, edhe pse më duhet shumë punë të kërcej ashtu siç dua.

Cilin do ta konsideroje kërcimin që të ka ngjitur më shumë deri tani, dhe kërcimi i dashurisë që do e provosh me bashkëshortin?

Deri tani kam ndier shumë kërcimin e fundit. Përshtatja e skenës së filmit "Zorro" luajtur nga Catherine Zeta Johnes, duke qenë se e adhuroj si aktore. Kërceva me shumë pasion.

E njihje Iljard Shabën më parë, dhe ka raste kur ndihesh si violonçeli në duart e tij?

Po, e njihja. Është shumë pozitiv. (Qesh) Jo, nuk jam ndier si violinçel.

Ke marrë ndonjë kompliment apo koment nga Fiori Dardha par largimit të saj nga kjo garë?

Po. Takohemi në "Ora News". Më ka komplimentuar dhe më ka thënë: "Kënaqu!".

Paralelisht luan në shfaqjen teatrale "Boeing", cili është roli yt dhe si ndihesh në një skenë teatri?

Teatri është magji. Jam dashuruar me të! Mezi prisja të shkoja në prova, jam ndier e përmbushur duke punuar me regjisorin Kiço Londo dhe me kastin e mrekullueshëm. Ejani në teatër, do të kënaqeni me këtë komedi që do shfaqet në të gjithë Shqipërinë.

Katër aktore femra dhe dy meshkuj në këtë shfaqje, Gentian Zenelaj e Amos Zaharia. Me cilin prej tyre ndjeve atë kiminë e parë në skenë?

Unë njihja pak më shumë Gentian Zenelajn, por gjithsesi është hera e parë që punoj me secilin prej tyre. Jam ndier shumë komode me të gjithë. Është një grup i mrekullueshëm, shkruajmë çdo ditë në Whatsapp.

Mes tyre veçoheni ti dhe Gent Zenelaj pasi vini nga humori. Sa u ngjisin batutat me njëri-tjetrin?

Shumë. Genti ka sy të sinqertë, që në skenë janë mbështetje e madhe. Shpesh mezi kam mbajtur të qeshurën në skenë me të.

Ndërkaq, këtë sezon të shohim në programin tënd "Mos i fol shoferit". Mund të veçosh klientin më seksi, atë më interesant dhe atë që të rrëfeu sekretin më të madh të jetës?

Nuk i veçoj dot. Unë emisionin "Mos i fol shoferit" nuk e shoh si punë apo si intervistë. Unë kënaqem me të ftuarin.

Dihet tashmë që je e martuar dhe nënë e vajzës Viktoria. Pas një dite pune në taksi, me sa para kthehesh në shtëpi, dhe sa taksohesh nga qeveria Rama?

Hahahahha.

/portali DurresLajm/

Na bëni like në facebook!: 

Lajme nga e njëjta kategori

Tre muaj më parë, ata të dy u shfaqën në kopertinën e ‘revistawho.com’, me rrëfimin e parë të gjatë për historinë e tyre të dashurisë.

Fustani i kuq me pika të bardha, këmbët e zbathura, dorëzuar tokës së bereqetshme, vështrimi i tretur larg, por aspak i mendueshëm dhe nj

Ambasadorja e Gjermanisë në Tiranë, Susanne Schütz, në intervistë ekskluzive për DW vlerëson, se SPAK është institucion shumë i rëndësish

   Flet ekskluzivisht për Report Tv, Xhisiela Maloku, vajza që denoncoi djalin e deputetit socialist Rrahman Rrahja.  Ajo jep përgjigje p

Aktori Julian Deda rikthehet sërish në Televizionin Klan këtë herë në programin më të ri të humorit “Duplex”.

Gregor Rama, djali i kryeministrit Edi Rama, vjen sot në një rrëfim të veçantë për jetën, pasionet dhe familjen e tij.

“S’ka inat” ishte klipi ku çifti i famshëm i këngëtarëve nga Kosova, Robert Berisha dhe Nora Istrefi, u bënë bashkë për të na rrëfyer për

Për opinionin publik shqiptar, që prej disa muajsh, ajo njihet thjesht si “e dashura e Izet Haxhisë”, e kthyer tashmë në të vetmen urë li

Teuta ka ndryshuar rrënjësisht në këtë sezon, duke filluar nga stafi teknik te merkato, e cila ka qenë tepër cilësore.

Presidenti i Skënderbeut, Ardjan Takaj, u shpreh i lumtur për superkupën, por në përgjithësi pati edhe nga një koment për shumë tema.