Ambasadorët e SHBA në Prishtinë e Beograd kërkojnë marrëveshje

08/02/2019 - 18:59

Ambasadorët e Shteteve të Bashkuara në Kosovë dhe Serbi, Philip Kosnett dhe Kyle Scott thonë se viti 2019 duhet të jetë ai i arritjes së marrëveshjes Kosovë-Serbi.

Ata i bënë sërish thirrje Prishtinës që të pezullojë taksën 100 për qind ndaj mallrave serbe e boshnjake, por ndërkohë i kërkuan edhe Beogradit që të jetë më konstruktive, e të dyja palët të frenohen nga provokimet.

“Është koha që Beogradi dhe Prishtina t’i kthehen dialogut të udhëhequr nga Bashkimi Europian, e që të dyja palët ta përqafojnë paqen guximshëm. Nëse e bëni këtë, jemi optimistë se mund të arrini në vitin 2019 një marrëveshje historike për normalizimin e marrëdhënieve”, thuhet në një editorial të përbashkët të të dy ambasadorëve, të botuar në gazetën “Politika” të Beogradit dhe te “Zëri” i Prishtinës.

Scott dhe Kosnett theksojnë se, Serbia dhe Kosova e kanë mbështetjen e plotë amerikane dhe se Shtetet e Bashkuara do të bëjnë gjithçka në fuqinë e tyre, për të ndihmuar Beogradin dhe Prishtinën të krijojnë besimin e nevojshëm për të arritur një marrëveshje, në qendër të së cilës do të ishte njohja reciproke.

“Nëse të dy anët dështojnë për ta shfrytëzuar këtë mundësi, atëherë rrezikojnë të humbasin mundësinë më të mirë në një brez”, theksojnë diplomatët amerikanë.

/portali DurresLajm/

Na bëni like në facebook!: 

Lajme nga e njëjta kategori

Kreu i Lëvizjes Vetëvendosje, Albin Kurti është shprehur se janë pranë një marrëveshjeje me LDK-në.

Pavarësisht se ende nuk ka një koalicion qeverisës në Kosovë, zëdhënësi i Lëvizjes Vetëvendosje, Arlind Manxhuka bën me dije se së shpejt

Mediat kosovare shkruajnë se Presidenti Hashim Thaçi ka kërcënuar me veprime kushtetuese në rast se nuk gjendet zgjidhje për formimin e i

Padia e kryeministrit Edi Rama ndaj kryeministrit në detyrë të Kosovës Ramush Haradinaj ka sjellë reagime të shumta në skenën politike sh

Albin Kurti i ka dërguar letër zyrtare e LDK-së ku i bën apel që të heqë dorë nga largimi i kryeparlamentarit Glauk Konjufca.

Kryeministri ende në detyrë i Kosovës, Ramush Haradinaj ka përkujtuar sot Heroin Kombëtar, Skënderbeun, duke vlerësuar lart figurën e tij

Pas publikimit të media të lajmit se kryeministri i Shqipërisë Edi Rama ka dorëzuar në Gjykatën Themelore të Prishtinës padinë ndaj kryem

Dy deputetët e Vetëvendosjes, Albulena Haxhiu e Liburn Aliu, e kanë quajtur tallje propozimin e fundit të LDK-së që kjo parti të marrë kr

Lidhja Demokratike e Kosovës shpalosi të mërkurën ofertën e saj për formimin e qeverisë me lëvizjen Vetëvendosje.

Kosova është lëkundur pak më parë nga një goditje e fuqishme tërmeti. Bëhet fjalë për një tërmet me magnitudë 4.3, i regjistruar në orën