Policia e Kosovës ka njoftuar se dje në Prishtinë janë ndaluar dy persona të dyshuar, të cilët kanë krijuar një grup në Viber për vendnodhjen e policisë.
Sipas policisë, në të ishin të anëtarësuar rreth 7000 persona të cilët kanë shpërndarë njoftime rreth vendndodhjes dhe lëvizjet e Policisë.
Rasti ka ndodhur dje rreth orës 16:00 dhe policia thotë se nga të dyshuarit, janë konfiskuar dy smartphone dhe me urdhër të prokurorit pas intervistimit janë liruar në procedurë të rregullt.
Në grupin e krijuar në Viber, lajmërohen se ku ka radar, ku ka kontrolle e ku janë fshehur policia. Përmes të gjitha njoftimeve që jepen e merren në grupin e quajtur “Radari”, shoferët ndalojnë shpejtësinë dhe u shmangen radareve dhe gjobitjeve nga ana e policisë.
Në këtë grup ndalohen fotografitë, sidomos të veturave të policisë të cilat janë civile dhe ka disa rregulla strikte që duhet ndjekur për të qenë pjesëtar i grupit.
Një gjë tjetër e cila është vërejtur në këtë grup është se, njësitet e policisë kanë emra të caktuar.
Përmes të gjitha njoftimeve që jepen e merren në grupin e quajtur “Radari”, shoferët ndalojnë shpejtësinë dhe u shmangen radareve dhe gjobitjeve nga ana e policisë.
