“E mitura nga Gjilani u trafikua në Serbi”

12/02/2019 - 09:13

Anton Nrecaj, nga Qendra për Ndihmë Juridike dhe Zhvillim Regjional “Clard Kosovo” në  Kosovë, ka thënë se një vajzë e zonës së Gjilanit 14 vjeç, në fund të vitit 2014 ka përfunduar nga Kosova në Serbi, ku është detyruar të ofrojë shërbime seksuale.

Ai ka treguar për “Radio Kosovën”, se vajzës i ishte hequr edhe shtetësia e Kosovës. Një rast tjetër i abuzimit me persona të mitur mund të bëjë që të harrohet rasti i Drenasit.

“Para katër viteve,në fund të vitit 2014, një e mitur nga zona e Gjilanit, në moshën 14 vjeçare, trafikohet si qenie njerëzore për të ushtruar prostitucion nga Kosova në Serbi. Asaj në mënyrë institucionale i është hequr shtetësia, që është një indikacion se trafikantët kanë pasur një bashkëveprim me njerëz në institucione të nivelit lokal. Ajo ka qëndruar në Serbi për dy vite e gjysmë, ku është detyruar të ofrojë shërbime seksuale”, ka thënë Nrecaj.

“Prindi i saj e ka kërkuar për dy vite e gjysmë derisa e ka gjetur në Serbi. Ajo tani është kthyer në Kosovë por të dhënat i janë zhdukur”.

Sipas tij, personat e përfshirë në këtë rast janë njerëz të lidhur edhe me pushtetin, por ai nuk ka dashur të japë më shumë detaje. “Personat të cilat kanë abuzuar janë persona të lidhur me pushtetin, por kanë dyshtetësi, atë të Kosovës dhe të Serbisë”, është shprehur ai.

Nrecaj ka thënë se gjendet në proces të përgatitjes për ta dërguar rastin në Prokurorinë Speciale. “Vajza tani është 19 vjeç”, ka thënë ai. /klankosova

/portali DurresLajm/

Na bëni like në facebook!: 

Lajme nga e njëjta kategori

Ka ndërruar jetë ish-zëvendësministri i ministrisë së Mjedisit dhe Planifikimit Hapësinor, Shpëtim Rudi.

Ambasada e Shteteve të Bashkuara në Prishtinë bëri të ditur të premten se është larguar nga bordi i Agjencisë së Krahasimit dhe Vërtetimi

Kosova ka vendosur taksë 100% ndaj disa produkteve të Republikës së Maqedonisë.

Mëngjesin e ditës së djeshme një ngjarje tragjike ka ndodhur në Gjermani.

Ambasadori amerikan në Beograd, Kyle Scott ka deklaruar se ka ardhur koha që Kosova dhe Serbia t’i japin fund konfliktit të viteve '90.

Kryeministri i dorëhequr, Ramush Haradinaj deklaroi se Aleanca për Ardhmërinë e Kosovës nuk synon formimin e ndonjë koalicioni të madh pa

Në Prishtinë, ambasadat e pesë vendeve kryesore perëndimore, Shteteve të Bashkuara të Amerikës, Francës, Gjermanisë, Italisë dhe Mbretëri