Haradinaj: Dogana ka mbledhur mbi 65% të buxhetit të Kosovës

10/01/2019 - 09:24

Kryeministri i Kosovës, Ramush Haradinaj ka thënë se Doganat e Kosovës kanë mbledhur të hyra mbi 65 për qind të buxhetit të shtetit.

“Është me rëndësi të theksohet se Dogana si institucion ka mbledhur për buxhetin e vendit mbi 65 për qind të buxhetit në total. Janë 582 pjesëtarë të agjencisë së doganave dhe misioni i tyre është një mision me të vërtetë i rëndësishëm, pra nuk është vetëm punë e zakonshme, është buxheti, është siguria kombëtare, por janë edhe të gjitha ato informatat e nevojshme për trendet ekonomike”, është cituar të ketë thënë Haradinaj në një komunikatë drejtuar mediave.

Këto komente Haradinaj i ka bërë gjatë një vizite që ka zhvilluar në Doganat e Kosovës, ku është takuar me drejtorin e përgjithshëm e këtij institucioni, Behri Berisha.

Në anën tjetër, drejtori i Doganës, Bahri Berisha ka thënë se e ka informuar kryeministrin Haradinaj për punën që ka bërë ky institucion gjatë vitit 2018, si dhe për “të arriturat që i kanë pasur në fushën e të hyrave, luftën e ekonomisë informale, krimit transkufitar të kontrabandës por edhe shumë procese, siç janë reformat që është duke i zhvilluar dogana”, është bërë e ditur në komunikatë.

Në këtë vizitë Haradinaj ishte i shoqëruar nga ministri i Financave, Bedri Hamza, i cili ka deklaruar se Doganat janë prej kontribuuesve më të mëdhenj të buxhetit të Kosovës.

Dy institucionet që kontribuojnë me më së shumti të hyra në buxhetin e shtetit janë Doganat e Kosovës dhe Administrata Tatimore e Kosovës.

Buxheti për vitin 2019, i cili pret miratimin në leximin e dytë në Kuvend, vlerësohet se do të jetë 2,3 miliardë euro. /REL

/portali DurresLajm/

Na bëni like në facebook!: 

Lajme nga e njëjta kategori

Një person ka rënë në pranga ditën e  sotme në Mitrovicë të Kosovës, pasi iu ka dërguar familjarëve të ish-bashkëshortes fotografi me për

Pas numërimit të votave të diasporës, Lëvizja Vetëvendosje ka thelluar dhe më tej diferencën e ngushtë të votave me partinë e dytë Lidhja

ë orët e para të mëngjesit të së mërkurës policia e Kosovës ka zbarkuar në veri të Mitrovicës, ku ka arrestuar dy persona si të dyshuar n

Policia e Kosovës ka vënë në pranga dy persona, të dyshuar për vrasjen e liderit serb Oliver Ivanoviç.

Kosova edhe një herë ia ka mësyrë anëtarësimit në Organizatën Ndërkombëtare të Policisë (INTERPOL), Asambleja e Përgjithshme e së cilës,

Nëntë persona janë shtruar në Qendrën Klinike Universitare të Kosovës, pasi nga kontakti me zarfet me vota të ardhura nga Serbia, atyre u