Kosovë, pritet krijimi edhe i një komune tjetër me shumicë serbe

01/03/2016 - 18:27

Bashkësia e Komunave Serbe në Kosovë mund te krijojë edhe një komunë të re me shumicë serbe, të njëmbëdhjetën me radhë. Nenad Rashic, deputet i Listës Serbe në Kuvendin e Kosovës, ka konfirmuar për Radion Evropa e Lirë se gjatë ditëve të fundit janë zhvilluar bisedime lidhur me këtë çështje. Në këtë kontekst, katër fshatrat: Prilluzhë, Plemetin, Babin Most dhe Gracë, do të mund të formojnë komunën e re. Këto fshatra aktualisht i takojnë Komunës së Vushtrrisë dhe Komunës së Obiliqit. Megjithatë, Rashic mohon se një gjë e tillë ka qenë kusht nga Lista Serbe për të dhënë mbështetjen e deputetëve të saj për zgjedhjen e Hashim Thaçit president i ri i Kosovës.

"Ditëve të fundit kemi intensifikuar disa kontakte dhe për shkak të një nisme të vendosur dhe të pjekur, kemi arritur deri aty që kjo nismë mund të jetë e realizueshme. Sipas procedurës, kjo fillimisht duhet të miratohet në qeveri si propozim e më pas edhe në Kuvend. Mendoj se kjo nuk do të duhej të paraqiste ndonjë problem, për shkak se fuqia politike nuk do të ndryshonte e as interesat e shumicës shqiptare nuk do të cenoheshin," - ka theksuar Rashic.

Ndërkohë, një nga njohësit e zhvillimeve politike në Kosovë, Rangjel Nojkic, vlerëson se në rast që zgjedhja e Thaçit ka kaluar pa ndonjë kusht apo marrëveshje, atëherë Lista Serbe ka probleme të mëdha dhe do të ndëshkohet nga votuesit e saj. "Do të ishte krejtësisht e papranueshme në rast se nuk janë marrë vesh dhe që pa ndonjë kusht kanë marrë pjesë në zgjedhjen e tij. Ajo komunë e re nuk është asgjë e re, sepse është nismë e mëhershme. Por, nëse ndodh, gjithsesi që është hap pozitiv. Prandaj, për këtë shkak, mendoj që serbët është dashur të kenë kushte mjaft të qarta dhe ato në fund t’ua dëshmojnë votuesve, gjegjësisht, popullit të vet, që ai ta dije se cilat janë kushtet dhe pse u është dashur t’i japin voten e tyre Hashim Thaçit," - ka theksuar Nojkic.

/portali DurresLajm/

Na bëni like në facebook!: 

Lajme nga e njëjta kategori

Nëntë viktima dhe 145 raste të reja me koronavirus në Kosovë.

Në mbledhjen e sotme kabineti qeveritar ka miratuar Raportin për Nivelin e Ekzekutimit të Projekteve të Financuara nga Huamarrja Ndërkomb

Humb betejën me virusin e rrezikshëm një infermiere në Kosovë.

Ish-kryeministri i Kosovës, njëherësh lideri i Lëvizjes Vetëvendosje në opozitë, Albin Kurti ka kritikuar takimin e 2 shtatorit në Uashin

Kosova ka regjistruar të premten 142 raste të​ reja me koronavirus, pas marrjes së​ 466 mostrave.

Me 3 vite burg është dënuar një mësues në Pejë të Kosovës pasi ngacmonte seksualisht nxënëset e tij.

Presidenti i Republikës së Kosovës, Hashim Thaçi ka reaguar për takimin e 2 shtatorit me Serbinë në Washington, me ftesë të emisarit spec

Ministrja e Jashtme e Kosovës, Meliza Haradinaj, ka përshëndetur arritjen e marrëveshjes për normalizim të marrëdhënieve mes Izraelit dhe

Kryeministri Avdullah Hoti deklaroi se shumë shpejtë do të rrisin numrin e inspektorëve sanitarë dhe se nuk do të ketë asnjë tolerancë nd

Gjatë 24 orëve të fundit në Kosovë janë identifikuar 193 raste të reja me koronavirus nga 491 testime të kryera për persona të dyshuar me