Kosovë, Delawie kërkon polici me standarde

07/06/2018 - 21:57

   Ambasadori i Shteteve të Bashkuara në Prishtinë Greg Delawie tha sot se përkushtimi i qeverisë së Kosovës për të profesionalizuar zyrtarët publikë është thelbësor për ta ruajtur besimin e qytetarëve të Kosovës ndaj institucioneve që u shërbejnë.

Ai i bëri këto komente në Akademinë e Kosovës për Siguri Publike, në Vushtrri, rreth 25 kilometra larg Prishtinës, ku u zbulua certifikata e dhënë nga “Shoqata ndërkombëtare e drejtorëve të standardeve të zbatimit të ligjit dhe trajnimit”, me seli në Shtetet e Bashkuara të Amerikës, për përmbushjen e standardeve për trajnimin e zyrtarëve policorë.

Ambasadori Delawie tha se është me rëndësi që institucionet e Kosovës të vazhdojnë trajnimin e zyrtarëve publikë që u shërbejnë qytetarëve me standardet më të larta të kërkuara.

“Ministria e Punëve të Brendshme, udhëheqësit e policisë dhe agjencitë e tjera që trajnohen këtu, duhet që të sigurojnë që trajnimin që e marrin policët në këtë akademi, të jetë në përputhje me standardet dhe kjo nënkupton që gjatë gjithë kohës duhet të rishikojmë dhe konfirmojnë ato standarde për t’i përmbushur të gjitha nevojat e zyrtarëve të zbatimit të ligjit që trajnohen dhe të komuniteteve që do u shërbejnë“, tha ambasadori Delawie.

Ministri i Punëve të Brendshme, Bejtush Gashi tha se certifikimi duhet të shërbejë për ruajtjen e standardeve ndërkombëtare në ofrimin e shërbimeve ndaj qytetarëve.

“Marrja e certifikatës nga Shoqata ndërkombëtare e drejtorëve të standardeve të zbatimit të ligjit dhe trajnimit në Boston të Shteteve të Bashkuara, besoj që do të shërbejë jo vetëm si rast për të festuar dhe për t’u gëzuar por edhe shumëfishim të ambicieve dhe përpjekjeve tona të përbashkëta për të ecur më tej në rrugën e aftësimit të institucioneve të sigurisë publike”, tha ministri Gashi.

Autoritetet thonë se po bëjnë përpjekje që të rrisin edhe më tej standardet e shërbimit policor në mënyrë që të përmbushen nevojat e të gjithë qytetarëve të Kosovës. Policia e Kosovës llogaritet si institucioni ku më së shumti janë përfshirë komunitetet pakicë, posaçërisht serbët e Kosovës. Ky institucion është krijuar menjëherë pas përfundimit të luftës ndërkaq trajnimi i policisë së Kosovës është bërë nga oficerë amerikanë.

/portali DurresLajm/

Na bëni like në facebook!: 

Lajme nga e njëjta kategori

Kuvendi i Kosovës do të procedojë ligjin për shndërrimin e Forcës së Sigurisë së Kosovës në ushtri, por pa ia ndryshuar asaj emërtimin.

Dy beteja diplomatike dhe politike po zhvillohen aktualisht ndërmjet Prishtinës dhe Beogradit.

Vasfije Krasniqi-Goodman ka thyer një tabu në shoqërinë kosovare pasi është bërë gruaja e parë, viktimë e dhunës seksuale gjatë luftës së

Në Ministrinë e Punëve të Brendshme të Kosovës, Bejtush Gashi i ka dorëzuar detyrën e ministrit të ri në këtë detyrë, z.Ekrem Mustafa.

Presidenti i Kosovës, Hashim Thaçi, ka folur përsëri për idenë e tij për “korrigjim kufijsh” mes Kosovës e Serbisë, e cila po kundërshtoh

Para pak çastesh ka ndodhur një shembim i zjarrit mes Policisë dhe disa të dyshuarve, ku ka mbetur i vdekur një i dyshuar dhe një tjetër

Kuvendi i Kosovës ka hequr nga rendi i ditës votimin e propozim-rezolutës nga debati parlamentar për dialogun me Serbinë.

Në qeverinë e Kosovës vazhdojnë emërimet e zv.ministrave të rinj.

Presidenti i Kosovës, Hashim Thaçi është shprehur optimist se deri në pranverën e ardhshme do të arrihet marrëveshja me Serbinë, që do të

Dështon gjyqi për të akuzuarit për mashtrimin e qindra qytetarëve të Kosovës për punësim në Gjermani.