LDK bojkoton mbledhjen e kryesisë së Kuvendit bashkë me partnerët e koalicionit

28/05/2020 - 17:59

Lidhja Demokratike e Kosovës bashkë me partnerët e koalicionit AAK-në dhe NISMA-n e kanë bojkotuar mbledhjen e sotme të kryesisë së Kuvendi të Republikës së Kosovës në të cilën janë shqyrtuar disa çështje administrative që ndërlidhen me aspekte të brendshme të funksionimit të Kuvendit.

Në takim nuk ka marrë pjesë Arben Gashi i LDK-së, Daut Haradinaj i AAK-së e Haxhi Shala i NISMA-s, meqë partia e drejtuar nga Isa Mustafa ka arritur koalicion me Fatmir Limajn e Ramush Haradinajn për krijimin e qeverisë së re në rast se Kushtetuesja vendos për të mos shkuar në zgjedhje të reja.

Nuk dihet nëse një bojkot i tillë ndërlidhet me përplasjet e fundit të Osmanit me partinë e saj si pasojë e rreshtimit të kryekuvendares në krah të Kurtit sa i përket dekretit të presidentit Hashim Thaçi me të cilin ka nominuar Avdullah Hotin si kandidat për kryeministër.

Kreu i LDK’së, Isa Mustafa, kishte thënë se një sjellje e tillë e Osmanit nuk është korrekte karshi elektoratit të LDK’së dhe bashkëpartiakëve. Madje Haki Rugova kishte thënë se Vjosa Osmani nuk është më në LDK.

Në takimin e thirrur nga Vjosa Osmani ka marrë pjesë Arbërie Nagavci e VV’së, Memli Krasniqi i PDK’së, Slavko Simiç i Listës Serbe dhe Fikrim Damka nga komunitetet.

Njoftimi i plotë i Kuvendit:

Kryesia e Kuvendit të Republikës së Kosovës, nën drejtimin e kryetares dr. Vjosa Osmani, ka mbajtur sot mbledhjen e radhës, në të cilën ka shqyrtuar një varg çështjesh që lidhen me aspekte të brendshme të punës dhe funksionimit të Kuvendit.

Kështu, me iniciativën e kryetares Osmani, Kryesia miratoi vendimin për reduktimin e shpenzimeve të telefonisë mobile, asaj fikse dhe reprezentacionit, si për stafin politik, ashtu edhe për administratën e Kuvendit.

Po ashtu, Kryesia njëzërimiratoi Rregulloren për rendin dhe qasjen e  mediave dhe të publikut në punën e Kuvendit, e hartuar në koordinim me përfaqësuesit e mediave dhe miratimit paraprak të Asociacionit të Gazetarëve të Kosovës (AGK), si dhe mbështetjen e NDI-së.

U miratua gjithashtu edhe raporti i shpenzimeve të Kuvendit për periudhën janar-mars 2020, konform rekomandimit të Komisionit për Buxhet dhe Transfere, ndërsa kërkesa e KOSTT-it për miratimin e Planit të biznesit të rishikuar dhe të buxhetit të rishikuar për vitin 2020, u procedua në Komisionin për Ekonomi, Punësim, Tregti, Industri, Ndërmarrësi dhe Investime Strategjike.

Në këtë mbledhje, Kryesia shqyrtoi edhe çështje të tjera nga fushëveprimtaria e saj.

/portali DurresLajm/

Na bëni like në facebook!: 

Lajme nga e njëjta kategori

Intervistimi i presidentit të Kosovës, Hashim Thaçi, nga Prokurori Special i Dhomave të Specializuara, me seli në Hagë, do të vazhdojë ed

Lidhja Demokratike e Kosovës ka propozuar në seancën e sotme që të futet në rend të ditës ndryshimi i rregullores së Kuvendit, që ia mund

Drejtori i përgjithshëm i Policisë së Kosovës, Rashit Qalaj i shoqëruar nga stafi menaxhues, realizoi një takim me të gjithë drejtorët e

Këtë të hënë Presidenti i Kosovës Hashim Thaçi ndodhet në Hagë ku do të përballet me Gjykatën Speciale pas akuzave për krime lufte.

Rastet me COVID-19, sa vijnë e shtohen në tërë territorin e Republikës së Kosovës, ku deri më tani janë infektuar gjithsej 4 mijë e 931 p

Presidenti i Kosovës, Hashim Thaçi, është në Hagë për t’u intervistuar nga Prokuroria e Posaçme që trajton pretendimet për krime të luftë

Kryeministri i Kosovës Avdullah Hoti, me anë të një konference për mediat ka thënë se qeveria e tij, ka përgatitur dy skenare për të viju

Me një video-konferencë që po zhvillohet sot mes kryeministrit të Kosovës, Avdullah Hoti, dhe presidentit të Serbisë, Aleksandar Vuçiç, n

Mikrobiologu Lul Raka thotë se Kosova aktualisht është në vendin e tretë në Evropë sa i përket numrit të rasteve të të infektuarve me COV

Pak orë para të hënës ku pritet të udhëtojë drejt Hagës, presidenti i Kosovës, Hashim Thaçi ka vizituar varrin e Adem Jasharit, ku kreu n