LDK prezanton ofertën e saj për formimin e qeverisë

15/01/2020 - 20:10

Lidhja Demokratike e Kosovës shpalosi të mërkurën ofertën e saj për formimin e qeverisë me lëvizjen Vetëvendosje. Anëtari i kryesisë së kësaj partie, Avdullah Hoti, në një postim në rrjetin social Facebook shkroi se sipas kësaj oferte “Lidhja Demokratike do të ketë kryetarin e parlamentit deri në zgjedhjen e presidentit, pastaj kryetari i parlamentit do t’i kalojë lëvizjes Vetëvendosje".

Kjo nënkupton se në vitin e parë të bashkëqeverisjes, secili partner mban një post të lartë shtetëror (Vetëvendosje e ka kryeministrin, LDK-ja kryetarin e parlamentit). Ndërkaq, në tri vitet e tjera, VV-ja mban dy poste të larta shtetërore, kryeministrin dhe kryetarin e parlamentit, kurse LDK-ja një pozitë, presidentin, por që shërben si faktor unifikues sipas kushtetutës”.

Në ofertë theksohet se numri i ministrive mbetet 12 dhe struktura e tyre mbetet siç është dakorduar më herët, me disa përjashtime: “a) Ministria e Kulturës, Rinisë dhe Sportit i bashkohet Ministrisë së Arsimit, Shkencës dhe Teknologjisë. b) Ministria e Administrimit të Pushtetit Lokal ndahet nga Ministria e Punëve të Brendshme, ku është integruar sipas marrëveshjes së arritur në takimet e mëparshme, dhe mbetet për komunitetet jo shumicë krahas ministrisë për Komunitete dhe Kthim.

Të dyja partitë, sipas ofertës, do të kenë nga 5 ministri.

Në pikën e tretë të ofertës thuhet se “partnerët e koalicionit, në përputhje me dispozitat kushtetuese, për presidentin e vendit do të përkrahin kandidatin e propozuar nga LDK-ja”. Të martën lëvizja Vetëvendosje tha se i ka propozuar Lidhjes Demokratike të Kosovës, një ofertë për shtimin e ministrive në qeverinë e ardhshme për të siguruar një marrëveshje për bashkëqeverisje. Nënkryetari i kësaj lëvizjeje, Bisnik Bislimi, postoi ofertën që numri i ministrive të shtohet në 14 nga 12 sa ishin marr vesh me Lidhjen Demokratike në fillim të negociatave. Sipas kësaj oferte Lidhja Demokratike do të kishte 6 ministri kundrejt Vetëvendosjes që do të mbetej me 5. Shkëmbimi i këtyre ofertave pasoi negociatat e javës së kaluar që nuk siguruan një pajtim për formimin e qeverisë.

Bisedimet rifilluan pas një pushimi të gjatë, që pasoi mbledhjen e parë të parlamentit që u mbajt me 26 dhjetor. Në krye të parlamentit u zgjodh Glauk Konjufca nga lëvizja Vetëvendosje, ndonëse përgjatë gjithë negociatave që nga zgjedhjet e 6 tetorit është thënë se ky post i takon Lidhjes Demokratike. Kjo thelloi hendekun ndërmjet dy partive që nuk po pajtoheshin rreth kërkesës së Lidhjes Demokratike që në kuadër të marrëveshjes për bashkëqeverisje të përfshihet edhe posti i presidentit të vendit.

Lëvizja Vetëvendosje ka theksuar se çështja e postit të kryetarit të parlamentit tashmë është çështje e kryer.

/portali DurresLajm/

Na bëni like në facebook!: 

Lajme nga e njëjta kategori

Ditën e sotme një delegacion nga Shtetet e Bashkuara të Amerikës pritet të vizitojë Kosovën për të ‘jetësuar” marrëveshjen e arritur në U

I dërguari i posaçëm i presidentit amerikan për bisedimet Kosovë-Serbi, Richard Grenell do të qëndrojë sot në Prishtinë si pjesë e një de

Pas marrëveshjes së 4 shtatorit, Richard Grenell rikthehet në Kosovë si ndërmjetësi që arriti të ulë palët për nënshkrim, ashtu siç kisht

Koronavirusi vijon të shkaktojë viktima në Kosovë.

Kryetari i Aleancës për Ardhmërinë e Kosovës, Ramush Haradinaj ka thënë se me shumë shqetësim po ndjek spektaklin dashakeq të dosjeve që

Janë arrestuar dy persona në Pejë, për ngacmim seksual dhe për dhunë në familje.

Policia e Kosovës ka njoftuar se të premten rreth mesnatës ka realizuar një aksion të madh në fshatin Karaçevë, komuna e Kamenicës, ku u

Lëvizja Vetëvendosje po konsideron se në negociata me Serbinë, Kosovën e ka përfaqësuar një kryeministër që nuk e di dallimin mes liqenit

Gjatë 24 orëve të fundit, në Laboratorin e Mikrobiologjisë Molekulare në IKShPK dhe në laboratoret private me metodën RT-PCR, janë testua

Pasi për herë të dytë pranë zyrave të OVL të UÇK-së u lanë qindra dosje sekrete të Gjykatës Speciale, vendet e QUINT-it i kërkojnë Kosovë