Pacolli: Shqipëria të mos rrijë duarkryq në dialogun Kosovë-Serbi

14/09/2018 - 11:19

Zëvendëskryeministri dhe ministri i Jashtëm i Kosovës, Behgjet Pacolli i ka kërkuar Shqipërisë të mos rrijë duarkryq dhe të shikojë çfarë po ndodh në dialogun Kosovë-Serbi, por të jetë prezent së bashku me BE-në dhe SHBA-në në negociata.

Deklarata erdhi gjatë një konference të përbashkët për shtyp të Pacollit me homologun e tij shqiptar, Ditmir Bushati, këtë të premte në Prishtinë.

“Unë kam kërkuar nga pala shqiptare që të mos jetë duarkryq dhe të shikojë çfarë po ndodh këndej, por pala shqiptare duhet të jetë pjesë përbërëse e synimit tonë, ose në publik, ose pas kulisave, të jenë aty. Nëse mundet BE të jetë prezent, SHBA-të pse jo Shqipëria. Shqipëria mund të japë një kontribut jashtëzakonisht të madh”, tha Pacolli.

Ai tha se dialogu me Serbinë është e domosdoshme të përfundojë shpejt, si për të mirën e Kosovës ashtu edhe të Serbisë, pasi të dy vendeve u intereson të avancojnë në integrimet evropiane.

“Çdo gjë është e hapur në diskutimet me Serbinë duke marrë parasysh faktin se Kosova është e pavarur në territorin e vet dhe kufijtë e Kosovës në deklaratën e pavarësisë duhet të respektohen edhe në të ardhmen. Kushtetutshmëria dhe integriteti territorial i Kosovës duhet të respektohet”, tha Pacolli.

Ndërsa Bushati tha se Shqipëria e ka mbështetur në mënyrë konsistente këtë proces, pavarësisht kush ka qenë dhe kush është në krye të punëve në Shqipëri apo Kosovë.

Për sa i përket kësaj çështjeje, deviza jonë ka qenë që gjithmonë ‘Kosova është e para’ dhe kësaj devize i jemi përmbajtur me besnikëri, pavarësisht pozicioneve të ndryshme që aktorë të ndryshëm mund të kenë për çështje të karakterit lokal, kur vjen puna për këtë çështje ne kemi demonstruar një unitet dhe solidaritet dhe jam i bindur që edhe mesazhet e Pacollit, por edhe mesazhet e tjera flasin qartë për nevojën për të vijuar në këtë proces me durim strategjik, por natyrisht edhe me kreativitet dhe me vendosmëri për të konsoliduar Kosovën dhe arritjet e mundimshme të saj.”

Dy ministrat thanë se takimi i radhës mes qeverisë së Kosovës dhe Shqipërisë do të zhvillohet në Pejë. 

/portali DurresLajm/

Na bëni like në facebook!: 

Lajme nga e njëjta kategori

Federica Mogherini tanimë haptas akuzohet se ka qenë përkrahëse e idesë së Thaçit dhe Vuciqit për shkëmbim të territoreve.

Dy ditë pas shkrumbimit nga flakët të katedrales së Notre Dame në Paris, Kosova ka konfirmuar që do jetë një nga shtetet që do e ndihmojë

Në 29 prill në Berlin do të mbahet një takim i rëndësishëm për të ardhmen e dialogut Kosovë – Serbi.

Mbrëmë pas mesnate një vjedhje e rëndë ka ndodhur në mes të qytetit të Ferizajt.

Këtë të martë shënohet 20-vjetori i rënies së luftëtarëve të Ushtrisë Çlirimtare të Kosovës, gjeneral Shkëlzen Haradinaj, komandant për O

Kryeministri i Kosovës, Ramush Haradinaj, ndryshe nga presidenti Thaçi është shprehur me tone të ashpra për përfaqësuesen e Bashkimit Eur

Vasfije Krasniqi Goodman, gruaja e parë në Kosovë që tregoi hapur se ishte përdhunuar gjatë luftës, mbajti një fjalim në vendin ku i ndod

Komisioneri për Politikat Evropiane të Fqinjësisë dhe Negociatat e Zgjerimit, Johannes Hahn ka folur rreth një marrëveshje të mundshme nd

Rritja e numrit të qytetarëve të interesuar për të emigruar jashtë Kosovës për në vendet e Evropës dhe më gjerë, nga autoritetet në Prish

Me mijëra euro janë shpenzuar nga deputetët e Kuvendit të Kosovës edhe gjatë vitit të kaluar.