Qeveria e Kosovës tërheq projektligjin për financimin e partive

26/06/2019 - 08:24

Qeveria e Kosovës mori vendim që të tërheqë nga Kuvendi, Projektligjin për financimin e partive politike.

Projektligji për financimin e partive politike është kritikuar nga përfaqësuesit e shoqërisë civile, të cilët javën e kaluar protestuan, për të kundërshtuar miratimin e tij.

Shoqëria civile thotë se projektligji nuk siguron transparencë në publikimin e financave dhe shpenzimeve të partive politike. Përfaqësuesit e saj, kanë argumentuar se ky projektligj paraqet “degradim” të të gjitha standardeve për financimin e partive politike.

Eugen Cakolli nga Instituti Demokratik i Kosovës (KDI), ka thënë ditë më parë për Radion Evropa e Lirë se janë më shumë se 20 amendamente të cilat janë në kundërshtim me të gjitha standardet demokratike.

“Janë 27 amendamente në ketë projektligj të cilat janë bërë nga grupi punues dhe komisionet e tjera parlamentare, të cilat e kanë degraduar në masë të madhe këtë ligj, i cili është në kundërshtim edhe me frymën kushtetues, pasi që shkel disa nga parimet kryesore të financimit, llogaridhënies si dhe të transparencës së partive politike”, ka thënë Cakolli.

Edhe në raportin e fundit të Komisionit Evropian, transparenca e partive politike dhe publikimin e financave dhe shpenzimeve, ishte një nga vërejtjet të cilat janë theksuar për të gjitha shtetet aspiruese për anëtarësim në Bashkimin Evropian.

/portali DurresLajm/

Na bëni like në facebook!: 

Lajme nga e njëjta kategori

Kryeministri në largim Ramush Haradinaj sot pritet të dorëzojë edhe formalisht dorëheqjen te presidenti i vendit, Hashim Thaçi.

Dorëheqja e kryeministrit, Ramush Haradinaj ka shkaktuar pikëpytje të mëdha në skenën politike të Kosovës, ndërsa ende nuk dihet se çfarë

Dy partitë opozitare, LDK-ja dhe Vetëvendosje, kanë kërkuar nga Presidenti i Kosovës që të shpallë datën e zgjedhjeve.

Albin Kurti, lideri i Vetëvendosjes, ka shprehur edhe një herë gatishmërinë e tij për të bashkëpunuar me LDK-në e Isa Mustafës.

Edhe Jakup Krasniqi, ish-kryetar i Kuvendit të Kosovës, është thirrur nga Gjykata Speciale për t'u marrë në pyetje.

Departamenti amerikan i Shtetit tha në një deklaratë të shkurtër për Zërin e Amerikës se ka mësuar që Ramush Haradinaj dha dorëheqjen nga

Presidenti i Kosovës Hashim Thaçi, ka reaguar pas dorëheqjes së parevokueshme nga posti i Kryeministrit Ramush Haradinaj, duke theksuar s

Ambasadorja e Kosovës në SHBA, Vlora Çitaku ka reaguar menjëherë pas dorëheqjes së kryeministrit Ramush Haradinaj.

Vëllai i kryeminstrit të Kosovës, Ramush Haradinaj, Dauti njëkohësisht deputet i AAK-së, ka reaguar pas lajmit se është ndaluar në aeropo