Studenti i Mjekësisë pëson atak, humb jetën pak para provimit

25/09/2018 - 14:16

Leutrim Gjini, 23-vjeçar nga Suhareka, studenti i Fakultetit të Mjekësisë në Universitetin e Prishtinës, ka vdekur pas një ataku në zemër, pak minuta para se të hynte në provim.

Vdekjen e 23-vjeçarit L.GJ. e ka konfirmuar drejtoresha e Klinikës së Gjinekologjisë në Qendrën Klinike Universitare të Kosovës (QKUK), Myrvete Paçarada. Në një prononcim për Insajderin, Paçarada ka thënë se studenti 23-vjeçar kishte pësuar atak kardiak disa momente para se të futej në provim tek lënda e Gjinekologjisë.

Paçarada ka thënë se studenti nga Suhareka ndërroi jetë në Klinikën e Kardiologjisë në QKUK, pas rreth dhjetë orësh trajtim nga mjekët.

“Tërë pasditen ka qëndru në repartin e Kardiologjisë, ata kanë punu rreth 10 orë pasi ka ardhur deri te pëlcitja e aortës abdominale”, ka thënë Paqarada.

Kardiokirurgu Leonard Bytyqi ka treguar se përpjepjekjet për mbajtjen në jetë të të riut nga Suhareka kanë zgjatur me orë. “Është shumë e vështirë, t’i thuash lamtumirë një djaloshi 23 vjecar L.Gjini, dikuj që do të bëhej shpejt kolegu ynë, e të përshëndetesh në të tillë mënyrë, mes lotësh dhe gjakut”.

10 orë përpjekje, 10 orë operim, 10 orë luftë , një ushtri e madhe e Kardiokirurgjisë dhe jo vetëm, kundër natyrës, për ta kthyer sërish atë zemër të re në jetë. Kësaj radhe, e pamundura s’u bë dot e mundur”, ka shkruar Bytyqi në faqen e tij në Facebook.

“Për ne është humbje shumë e madhe, e dhimbshme, për mu është kujdestaria më e mërzitshme, deri më sot”.

Ngushëllime për familjarët dhe të gjithë tjerët, zoti e mëshiroftë, këtë engjull, që fati ia ktheu shpinën”, ka shkruar ky mjek.

Për ndarjen nga jeta të studentit L.GJ kanë reaguar edhe të afërm dhe miq të 23-vjeçarit L.GJ.

Mësimdhënësja nga Suhareka, Edona Morina-Bytyqi, e cila e kishte pasur nxënës 23-vjeçarin në shkollë të mesme, ka thënë se L.GJ. ishte djali i vetëm i familjes.

“Sot mora një lajm shumë trishtues e të dhimbshëm për ikjen nga kjo botë të një lule të rinisë ish-nxënësi im L.GJ, djalë i vetëm i familjes, student shembullor i Fakultetit të Mjeksisë”, ka thënë ish-mësimdhënësja e 23-vjeçarit.

/portali DurresLajm/

Na bëni like në facebook!: 

Lajme nga e njëjta kategori

Qeveria e Kosovës mori vendim që të tërheqë nga Kuvendi, Projektligjin për financimin e partive politike.

Presidenti i Kosovës, Hashim Thaçi, ka thënë se përmbyllja e dialogut politik me Serbinë, me marrëveshje ligjërisht obligative, që nënkup

Kuvendi i Kosovës do të mblidhet ditën e sotme në një seancë të jashtëzakonshme plenare.

Në Shtatorin e vitit 2017, kryetari i Aleancës për Ardhmërinë e Kosovës, Ramush Haradinaj, mori drejtimin e Qeverisë së Kosovës.

Kryetari i Lidhjes së Social-Demokratëve të Vojvodinës, Nenad Çanak, në një intervistë për gazetën Blic të Serbisë, ka deklaruar se Kosov

Gjatë luftës në Kosovë në vitin 1999, shumë të huaj morën pjesë në radhët e Ushtrisë Çlirimtare të Kosovës.

Ministri i Punëve të Jashtme të Kosovës, Behgjet Pacolli, ka thënë se me shtyrjen e takimit të Parisit, do të vonohet edhe arritja e marr

Qeveria e Kosovës nuk e ka përmbushur as nivelin minimal të standardeve për eliminimin e trafikimit me njerëz, por po bën përpjekje të rë

Deri para pak ditësh, një qytetar në Prishtinë ka mundur të ushqehet në vlerën e 2 eurove me një sanduiç.

Ambasadori i SHBA-ve në Serbi, Kyle Scott, ka thënë se ‘status-quo-ja’ në Ballkan s’është e qëndrueshme dhe se të gjithë po humbin për sh