Sulmi me armë zjarri ndaj makinës së gazetarit, reagon policia: Ja çfarë gjetëm në vendngjarje

19/10/2020 - 11:47

Mesnatën e së shtunën u sulmua me breshëri armësh makina e gazetarit nga Kosova, Shkumbin Kajtazi. Një ngjarje e rëndë që ai e denoncoi dje vet dhe hidhte dyshimet se sulmi kishte ndodhur për shkak të detyrës.

Pikërisht për këtë ngjarje ka reaguar dhe Policia e Kosovës, e cila ka dhënë informacionin zyrtar se çfarë ka ndodhur.

“Rr. Evlia Qelebi, Mitrovicë 18.10.2020-02:03. Ankuesi mashkull kosovar ka njoftuar se persona të panjohur i kanë dëmtuar veturën e tij e cila ka qenë e parkuar. Njësiti policor në vendngjarje ka gjet dhe konfiskuar 4 predha të kalibrit 9 mm”, njofton policia.

Lidhur me rastin është njoftuar prokurori.

"Miq,

Mbrëmë u përballa me një sulm të rrezikshëm: vetura ime u qëllua me 5 ose 6 plumba.

Ngjarja ka ndodhur rreth mesnatës, kur vetura ishte e parkuar në qendër të Mitrovicës.

Unë isha afër dhe kam dëgjuar krisma arme, por si njeri naiv që beson se Kosova është vend normal, nuk e kam lejuar mendjen të më thotë se mund të jetë sulm i tillë. Isha gabim.

Kur u afrova tek vendi ku e kisha parkuar, pashë se vetura ishte dëmtuar në masë të madhe. Në fillim pata bindjen se ishte goditur me diçka të fortë, mirëpo më pas u vërejten gjithandej vrima dhe predha të plumbave: në ulësen e shoferit, në tavan e në pjesën e prapme.

Edhe në Polici deklarova se rasti lidhet me punën, pasi problem personal me dikë nuk kam pasur që nga shkolla e mesme.

Rasti është në Polici dhe shpejt do ta marrin në dorë hetuesit e krimeve të rënda. Zbardhja e tij duhet të bëhet shpejt, ose rrezikon të mbetet zhag si i mëparshmi.

Nuk ndihem i frikësuar, që është qëllim i personave që më vihen pas. Jam thjesht i dëshpëruar me shtetin tim dhe njerëzit e tij.", shkruante dje Kajtazi në Facebook.

/portali DurresLajm/

Na bëni like në facebook!: 

Lajme nga e njëjta kategori

Emisari i Bashkimit Evropian për dialogun Kosovë-Serbi, Miroslav Lajçak ka zhvilluar sot rreth bisedimeve ndërmjet Kosovës dhe Serbisë.

Instituti Kombëtar i Shëndetësisë Publike në Kosovë njofton se gjatë 24 orëve të fundit janë testuar gjithsej 1.903 persona të dyshuar pë

Inspeksioni i Komunës së Prishtinës, nga 11 janari ka filluar të shpërndajë gjoba për subjektet politike të cilat nuk po i respektojnë ma

Kosova ka shënuar 6 viktima nga koronavirusi dhe 392 raste të reja nga 1618 testime të kryera gjatë 24 orëve të fundit.

Gjykata Speciale ka refuzuar kërkesën e mbrojtjes së Kadri Veselit për lirimin e tij nga paraburgimi.

Kandidati për kryeministër i Lidhjes Demokratike të Kosovës, Avdullah Hoti deklaroi se do të kujdeset që Vetëvendosja të mos vinte kurrë

Instituti Kombëtar i Shëndetësisë Publike në Kosovë njofton se gjatë 24 orëve të fundit janë testuar gjithsej 1.733 persona të dyshuar pë

Banorët e lagjes "Marosh" të Damjanit të Gjakovës kanë marrë vendim që të mos lejojnë politikanët të shkojnë e të bëjnë fushatë tek ta.

Komisioni Qëndror i Zgjedhjeve i Kosovës ka certifikuar emrat e kandidatëve për deputetë që do të garojnë në zgjedhjet e 14 shkurtit.  

Instituti Kombëtar i Shëndetësisë Publike në Kosovë njofton se gjatë 24 orëve të fundit janë testuar gjithsej 1.468 persona të dyshuar pë