Vijon intervistimi i Thaçit në Hagë nga Prokurori Special

14/07/2020 - 17:19

Intervistimi i presidentit të Kosovës, Hashim Thaçi, nga Prokurori Special i Dhomave të Specializuara, me seli në Hagë, do të vazhdojë edhe gjatë ditës së sotme.

Ai vetë e pohoi këtë për mediat, pasi qëndroi për më shumë se gjashtë orë brenda ambienteve të Prokurorisë Speciale.

“Dëgjova shkëmbime teknikalitetesh të ndryshme mes avokatit, Pierre-Richard Prosper dhe prokurorëve. Do të thotë çështje sqaruese, teknike. E, në të njëjtën kohë, edhe ato fillestaret të interesimit të prokurorëve për Ushtrinë Çlirimtare të Kosovës”, tha kreu i shtetit të Kosovës, duke sqaruar se për këtë arsye, intervistimi do të vazhdojë gjatë ditës së sotme.

Përpara se të hynte në ndërtesën e Prokurorisë Speciale, ai u shpreh i bindur se nga kjo sfidë do të dalë i suksesshëm dhe aktakuzën për krime lufte, e cilësoi si “çmim për lirinë”.

Në 24 qershor, Zyra e Prokurorit të Specializuar njoftoi se i kishte dërguar Dhomave të Specializuara të Kosovës, me seli në Hagë, një aktakuzë me dhjetë pika për shqyrtim, në të cilën presidenti Thaçi, kryetari i Partisë Demokratike të Kosovës, Kadri Veseli, dhe të tjerë, akuzohen për një sërë krimesh kundër njerëzimit dhe krimesh lufte, ndër të cilat: vrasje e paligjshme, zhdukje e detyruar e personave, përndjekje dhe tortura.

Thaçi ka deklaruar se do të japë dorëheqjen nga posti i presidentit, nëse aktakuza ndaj tij konfirmohet. Gjykatësi i procedurës paraprake ka maksimum gjashtë muaj kohë, nga muaji prill, për të konfirmuar ose hedhur poshtë aktakuzën./TCH

/portali DurresLajm/

Na bëni like në facebook!: 

Lajme nga e njëjta kategori

Misioni paqeruajtës i NATO-s në Kosovë (KFOR) thotë se më 7 gusht, në Komunën e Kamenicës kanë zhvilluar një patrullë të sinkronizuar me

Instituti Kombëtar i Shëndetësisë Publike të Kosovës (IKSHPK) ka deklaruar se në 24 orët e fundit kanë humbur jetën 12 persona nga COVID-

Policia e Kosovës ka reaguar pak orë pasi pronari i një restoranti në Kamenicë publikoi videon ku shiheshin xhandarët serbë në territorin

Qeveria e Republikës së Kosovës, me kërkesë të kryeministrit Avdullah Hoti, në pajtim me Rregulloren e Punës së Qeverisë, ka zhvilluar mb

Gjatë 24 orëve të fundit, në Laboratorin e Mikrobiologjisë Molekulare në Institutin Kombëtar të Shëndetësisë Publike të Kosovës (IKShPK)

Ndahet nga jeta në moshën 80-vjeçare fotografi i njohur kosovar, Agush Qorri, pasi humbi betejën me koronavirusin.

Ardian Shala, deputet i Lidhjes Demokratike të Kosovës ka rezultuar pozitiv sot, pas testit të koronavirusit.

Shefi i Grupit Parlamentar të Lëvizjes Vetëvendosje, Rexhep Selimi, ka thënë të enjten në Kuvendin e Kosovës se partia të cilës i përket

Ditën e sotme Kryetari i PDK-së, Kadri Veseli ka njoftuar se është shëruar nga Covid-19.

Përfaqësuesi Special i SHBA-së për Ballkanin Perëndimor, Matthew Palmer, në një intervistë për Zërin e Amerikës ka folur edhe për punën e