2 persona në pranga, lëviznin me kallash dhe pistoletë

17/10/2020 - 08:46

Policia e Fierit ka goditur dy raste të armëmbajtjes në Mallakastër dhe Divjakë, në kuadër të kontrolleve masive të ushtruara në orët e fundit për parandalimin dhe goditjen e paligjshmërisë, pas alarmit të banorëve se ka pasur të shtëna me armë zjarri.

Gjatë aksionit, policia ka sekuestruar një arsenal me armë zjarri, municion luftarak, granatë me ndezës, radio policie, armë të ftohta dhe sende të tjera të kundërligjshme, ndërsa ka vënë në pranga 2 shtetas.

Njoftimi i policisë:

Strukturat e Drejtorisë Vendore të Policisë Fier, krahas angazhimit maksimal për monitorimin dhe zbatimin e masave për parandalimin e përhapjes së COVID-19, vijojnë punën për parandalimin, evidentimin dhe goditjen e veprimtarisë kriminale dhe të paligjshmërisë në të gjitha fushat.

Si rezultat i kësaj pune, nga ana e shërbimeve të Komisariatit të Policisë Mallakastër, pas marrjes së njoftimit se në lagjen “5 Shkurti” ka pasur të shtëna me armë zjarri, është ndërhyrë në mënyrë të menjëhershme dhe si rezultat është bërë e mundur kapja dhe arrestimi në flagrancë i shtetasit D. K., 63 vjeç.

Ky shtetas qarkullonte me armë zjarri në lagje dhe qëllonte me armë zjarri duke shkaktuar panik e frikë te banorët. Kur ka parë shërbimet e Policisë, ai ka tentuar të hedhë armën dhe të largohet, por është kapur dhe prangosur nga shërbimet e Policisë, të cilët i kanë sekuestruar edhe armën e zjarrit kallashnikov.

Gjatë kontrollit të banesës së 63-vjeçarit, shërbimet e Policisë gjetën dhe sekuestruan në cilësinë e provës materiale 1245 fishekë, tre krëhra, një ndezës mekanik, granatë ofensive, një shkop gome, një thike me teh të gjatë, një dorezë hekuri, një dorezë me sferë hekuri goditëse, barut për armë gjahu, një radio si ato të Policisë dhe 485 kg duhan i grirë, pa dokument blerjeje.

Po në vijim të kontrollit të territorit, bazuar dhe në informacionet e marra në rrugë operative, shërbimet e Komisariatit të Policisë Divjakë kanë ushtruar kontroll në fshatin Tërbuf, Divjakë, ku kanë kapur dhe arrestuar në flagrancë shtetasin J. Rr., 25 vjeç.

Gjatë kontrollit, shërbimet e Policisë Divjakë i kanë gjetur dhe sekuestruar në cilësinë e provës materiale 1 armë zjarri pistoletë, 1 pushkë, 2 krëhra dhe 38 fishekë.

Materialet procedurale do t’i kalojnë Prokurorisë, për veprime të mëtejshme proceduriale.

/portali DurresLajm/

Na bëni like në facebook!: 

Lajme nga e njëjta kategori

Një i ri ka humbur jetën në një aksident me vdekje në orët e vona të mbrëmjes të së shtunës në aksin rrugor Divjakë – Çermë.

Gazetari i News24, Elidon Ndreka, tregon për “BalkanWeb” detaje mbi shpërthimin e tritolit në banesën e tij, gjatë natës së kaluar.

Goditet një tjetër rast i armëmbajtjes pa leje në Durrës, arrestohet në flagrancë poseduesi i tyre.

Shpërthim tritoli regjistrohet në banesën e gazetarit të News24, Elidon Ndreka.

Shpërthim me lëndë plasëse në qytetin e Vlorës.

Në një apartament në katin e tretë të një pallati përballë Drejtorisë së Policisë është dashur ndërhyrja e zjarrfikësve për të vënë nën k

Një 15-vjeçar është plagosur me thikë mesditën e sotme.

Policia e Shtetit njofton se vijojnë në të gjithë vendin, kontrollet për monitorimin e zbatimit të masave anticovid.

Bllokohet një jaht me 4 shtetas ukrainas në portin e Vlorës.

Arrestohet autori që ishte në kërkim në lidhje me rastin e rëndë ndodhur në Krujë një vit më parë, kur një i ri 29 vjeç akuzohej se kisht