2.3 tonë drogë nga Shqipëria në Itali, shqiptari kyç gojën para gjykatës (FOTO)

Postuar: 05/09/2017 - 20:44

Shqiptari i arrestuar në Itali gjatë një operacioni të Guardia di Finanza-s, ku u sekuestruar rreth 2.3 tonë marijuhanë që vinte nga Shqipëria, ka kyçur gojën para gjykatës italiane.

Siç raportojnë sot mediat italiane, shqiptari 24 vjeç me iniciale K.D., dhe italiani Andrea Reccia, 63 vjeç (i arrestuar gjithashtu gjatë operacionit, në foton poshtë) nuk kanë folur para gjykatëses së Ascoli Piceno, Rita De Angelis.

Për të dy, gjykata vendosi që të qëndrojnë në burg për arsye hetimore.

Aksioni

Gjatë natës duke u gdhirë e shtunë, në San Benedetto në Tronto, u kap sasia e konsiderueshme e drogës që sipas zv/prokurores të Ascoli Pieno, ishte nisur nga Shqipëria, raportuan mediat italiane.

Droga e nisur nga Shqipëria dhe e mbërritur natën në Itali, mësohet se ishte shkarkuar në deltën e lumit Tronto dhe më pas e ngarkuar në një furgon. Policia kishte marrë informacione për këtë ngarkesë droge dhe i ka bërë pritë furgonit, ku udhëtonin edhe të arrestuarit.

Brenda mjetit janë gjetur 40 pako me kanabis sativa. Më pas, motovedetat e Guardia Di Financës të nisura nga Ancona dhe Tronto kanë gjetur në det edhe 73 pako të tjera me kanabis që ishin hedhur nga trafikantët.

Gomonia e drogës ishte larguar me shpejtësi dhe italianët e kanë ndjekur deri në kufirin e ujëra territoriale kroate, ku edhe kanë ndërprerë ndjekjen.

Pranë vendit ku ishte shkarkuar droga janë gjetur edhe 25 bidona benzinë për të furnizuar gomonen.

Reagimi i Policisë Shqiptare

Vetëm pas publikimit të lajmit nga mediat italiane, ka ardhur reagimi i Policisë Shqiptare.

Policia njoftoi se gomonia oqeanike ka mundur të shkarkojë në breg të detit lëndën narkotike dhe është larguar në ujërat detare mes Kroacisë dhe Malit te Zi duke i shpëtuar ndjekjes së skuadrave të Guardia di Financas (GDF).

Skuadrat e GdF në afërsi të bregut në zonën e San Benedetos  kanë sekuestruar lëndën narkotike të hedhur nga gomonia në një  sasi prej 2322 kg e dyshuar marjuanë dhe 625 litra benzinë, si dhe kanë arrestuar dy persona të cilët ishin me një furgon  gati për të transportuar lëndën narkotike, konkretisht: shtetasi shqiptar rezident në Itali, K. D., 24 vjeç  dhe shtetasi italian R. A., 63 vjeç.

Vijojnë hetimet e përbashkëta Itali -Kroaci-Mal i Zi dhe Shqipëri, ku ka një shkëmbim intensiv të informacioneve me policinë italiane dhe Guardia di Finanza për hetimin e rastit, por nuk ka elemente që lidhin këtë rast trafikimi me Shqipërinë.

Gomonia ka mundur t'i shpëtojë ndjekjes që ka zgjatur disa orë derisa ka humbur gjurmët në ujërat mes Kroacisë dhe Malit të Zi

Vijon kontrolli në det për gjetjen e gomones dhe arrestimin e trafikantëve. /SYRI.net

/portali DurresLajm/

Na bëni like në facebook!: 

Lajme nga e njëjta kategori

   Të tjera detaje kanë dalë nga ngjarja e rëndë ndaj 40-vjeçares shqiptare në Greqi, pasditen e sotme.

   Një 40- vjeçare shqiptare është qëlluar me armë zjarri jashtë banesës së saj, raportojnë mediat greke.

   Një i moshuar ka ndërruar jetë pas një zjarri që ka rënë në banesë e tij në Kombinat.

   Një grua në moshë të thyer po procedohet penalisht nga policia e Durrësit, pasi 72-vjeçarja akuzohet për rilidhje të energjisë elektri

   Një ngjarje e rëndë ka ndodhur në qytetin e Firences në Itali, ku një shqiptar është goditur disa herë me thikë nga një tjetër shqipta

Në kuadër të arrestimeve që ka bërë policia në Kavajë dhe Rrogozhinë, ne nivel zyrtarësh për abuzime me pronat, flitet se i prekur nga he

Një barakë ku jeton një 56-vjeçar i sëmurë mendor, ka marrë flakë në Durrës.

Persona ende të pa identifikuar nga policia e Durrësit, mësohet se kanë grabitur një pikë exchange mbrëmjen e shkuar në qendër të Sukthit

Policia e Durrësit ka sekuestruar rreth 2 milion euro pasuri të dyshuara të fituara nga aktivitet kriminal.

Një 42-vjeçar i cili po udhëtonte me biçikletë ka humbur jetën pasi është përplasur nga një makinë tip "Benz" paraditen e sotme.