45-vjeçarja rrëzohet nga kati i dytë i shtëpisë, rëndë në spital (EMRI)

11/04/2019 - 15:56

Një 45-vjeçare nga fshati “Poshnje” në Urë Vajgurore ka rënë nga ballkoni i katit të dytë dhe është gjetur e shtirë pa ndjenja në oborrin e banesës së saj private mesditën e sotme.

Kanë qenë fqinjët ata që kanë parë 45-vjeçaren Zamira Xhaxhaj të rrëzohej dhe i kanë dhënë ndihmën e parë si dhe kanë njoftuar policinë, e më pas është transportuar në Spitalin Rajonal të Beratit, ku gjendja e saj paraqitet e rëndë.

Burime të Spitalit Rajonal të Beratit bëjnë me dije se gruaja ka pësuar dëmtime në shtyllën kurrizore dhe po trajtohet intensivisht.

Ende nuk bëhen zyrtarisht të ditura nga policia shkaqet dhe rrethanat e kësaj ngjarjeje, ashtu sikurse nuk konfirmohet as fakti nëse gruaja është hedhur vetë apo ka rënë aksidentalisht apo nëse e kanë shtyrë nga ballkoni.

45-vjeçarja Zamira Xhaxhaj jetonte vetëm me dy fëmijët e saj, 13 dhe 10 vjeç në një banesë në ndërtim e sipër në kodrën e fshatit Poshnje. Bashkëshorti i saj, Ardian Xhaxhaj mësohet se ka emigruar prej disa muajsh jashtë vendit.

Në vendngjarje kanë shkuar inspektorë të policisë, të cilët po marrin më pyetje të gjithë ata banorë të fshatit, që kanë dijeni rreth ngjarjes.

/portali DurresLajm/

Na bëni like në facebook!: 

Lajme nga e njëjta kategori

Një aksident rrugor ka ndodhur pak minuta më parë në hyrje të Durrësit, pranë semaforit.

Gjykata e Matit ka dënuar me burgim të përjetshëm Kujtim Koxhën, i cili vrau në Fshatin Shëlli 3 zyrtarë të Bashkisë së Matit.

Një sherr banal në një disko të Elbasanit në vitin 2005, do të bëhej alibi për dhjetëra ngjarje kriminale në vend dhe jashtë Shqipërisë.

Policia ka vënë në pranga një 52-vjeçar në Tiranë pasi rezulton i dënuar me 5 vite burg në Itali.

Policia ka arrestuar një person të shpallur në kërkim për vepra penale të korrupsionit.

Një ngjarje e rëndë është shënuar mëngjesin e sotëm në burgun e Koridallos në Greqi.

Një shtetas shqiptar ka gjetur vdekjen gjatë një grabitjeje në komunën greke të Koridhalosit në Athinë.

Policia e Korçës ka shpallur në kërkim një 35 vjeçar pasi tentoi të vrasë një person.

Nga Specialistët e Interpol Tirana u krye ekstradimi nga Athina drejt vendit tonë, i shtetasit shqiptar Mentor Hasani, 4

Një pushuese është gjetur e pajetë në plazhin e Vjetër të Vlorës.