6-vjeçari qëllohet në gjumë me breshëri, mjeku: Kishte plagë në fytyrë dhe trup

19/06/2019 - 09:33

Një fëmijë 6-vjeçar është plagosur në mesnatë me automatik në Krastë të Martaneshit. Nga të dhënat e para, raportohet se fëmija ka qenë në gjumë kur është plagosur me disa plumba në pjesën e fytyrës dhe trupit. 6-vjeçari është transportuar fillimisht në spitalin e Dibrës, ndërsa më pas me helikopter në spitalin e Traumës për ndihmë të specializuar, pasi është në gjendje shumë të rëndë.

Mjeku i spitalit të Dibrës, Agron Mezegjiu tregoi për Report Tv gjendjen që kishte ardhur fëmija dhe plumbat që kishte marrë në fytyrë dhe pjesët e tjera të trupit, ndërsa theksoi se gjendja u stabilizua.

"Fëmija erdhi rreth orës 01:00 i plagosur me armë zjarri, kishte një plagë të madhe në fytyrë dhe një plumb i ngelur mbrapa qafës, kishte një dëmtim në kyç dhe një plagë të madhe në kofshën e djathtë, kishte edhe një plagë në bazën e hemitoraksit të majtë që mund të ishte rikoshet.

U shtrua në spital, gjendja u stabilizua, rreth orës 07:00 u lajmërua gjendja në Tiranë, erdhi helikopteri dhe e mori. Megjithatë gjendja mbetet problematike, pasi mund të kërkojë ndërhyrje kirurgjikale", tha mjeku.

Sipas policisë, autori i plagosjes së fëmijës është Jetmir Koxherri 27 vjeç. Pas një konflikti mes Koxherrit, babait të 6-vjeçarit me inicialet H. Rr. dhe një tjetër personi me inicialet Sh. P. në lokalin e fshatit, 27-vjeçari ka marrë armën e zjarrit tip automatik duke shkuar dhe qëlluar drejt banesës së tij, por plumbat kanë kapur fëmijën, që ishte në gjumë duke e plagosur rëndë.

/portali DurresLajm/

Na bëni like në facebook!: 

Lajme nga e njëjta kategori

Një fëmijë 8-vjeçar ka ndërruar jetë sot në vendin e quajtur “Fusha e Sportit” në qytetin e Krumës.

Policia e kryeqytetit, me urdhër të Prokurorisë ka bllokuar një shumë të madhe parash në llogarinë e një biznesmeni të njohur në Tiranë.

Policia ka arrestuar një person të shpallur në kërkim për kultivim të bimëve narkotike.

Një 60-vjeçar është arrestuar nga policia e Memaliajt, pasi në afërsi të stanit të tij, në një zonë të pyllëzuar në fshatin Vasjar, u gje

Teksa dje autoritetet italiane shkatërruan një grup italo-shqiptar që merrej me trafikun e lëndëve narkotike, sot mediat italiane kanë nx

Finalizohet një tjetër operacion për goditjen e veprimtarisë kriminale në fushën e armëmbajtjes pa leje dhe narkotikëve.

Një ngjarje e rëndë ka ndodhur paraditen e kësaj të mërkure në Itali teksa një shqiptar me nënshtetësi italiane ka humbur jetën në një ak

Specialistët për Hetimin e Krimit Ekonomik dhe Financiar në Drejtorinë Vendore  të Policisë Durrës, në bashkëpunim me shërbimet e Policis

Policia e Durrësit bën me dije se është ndaluar një 21-vjeçare e cili ka thyer masën e sigurisë "arrest në shtëpi".