Një aksident i rëndë me pasojë vdekjen e një personi, ka ndodhur në orët e para të mëngjesit të sotëm në Divjakë.
Policia njofton se ka humbur jetën 57-vjeçari A. M., i cili ka qenë duke drejtuar mjetin, ndërsa është plagosur djali i tij, Rr. M.
Informacioni paraparak i policisë:
Sot rreth orës 05:30, në vendin e quajtur “Tre urat” Çermë Sektor, shtetasi A.M, 57 vjeç, duke drejtuar mjetin tip “Ford” ka dalë nga rruga.
Për pasojë ka gjetur vdekjen në vend drejtuesi i mjetit dhe është dëmtuar djali i tij shtetasi Rr.M., i cili ndodhet në Spitalin e Lushnjes nën kujdesin e mjekëve. Grupi hetimor po punon për zbardhjen e shkakut të daljes së mjetit nga rruga.
