Një 65-vjeçare ka humbur jetën, pasi është goditur në mënyrë fatale nga një furgon i drejtuar nga 21-vjeçari I.M.
Aksidenti i rëndë është regjistruar në aksin rrugor Fushë Krujë-Thumanë. Drejtuesi i mjetit është shoqëruar në Polici për veprime të mëtejshme.
Njoftimi i policisë:
Krujë/Informacion Paraprak
Në aksin rrugor Fushë Krujë-Thumanë, mjeti tip fugon, me drejtues shtetasin I.M., 21 vjeç,ka aksidentuar këmbësoren, shtetasen S.B., 65 vjeçe, e cila ka ndërruar jetë.
Grupi hetimor ndodhet në vendngjarje dhe po punon për zbardhjen e shkakut të aksidentit.
Drejtuesi i mjetit është shoqëruar në Polici për veprime të mëtejshme.
