Akuzat për pastrim parash/ Ylvi Beqja dëshmon kundër Shullazit

06/12/2018 - 12:16

Biznesmeni Ylvi Beqja është rikthyer në prokurorinë e Tiranës, këtë herë për të dëshmuar në kuadër të një hetimi të ri ndaj Emiljano Shullazit. Me ndryshimet e reja ligjore janë Prokuroritë e rretheve që kryejnë hetime për pastrim parash për personat e përfshirë në krim të organizuar.

Dosja më e bujshme që ka në dorë është ndaj Emiljano Shullazit dhe personi i parë i paraqitur për të dhënë dëshmi është biznesmeni Ylvi Beqja, i cili mban statusin e të penduarit, për këtë arsye Beqja shoqërohej në Prokurori me forca speciale.

Gjithçka lidhet me çështjen e ish-hotel "Vollgës", në Durrës, pronë e cila po mbahet nën sekuestro paraprake, pasi ka dyshime të forta se është regjistruar në hipotekën e Durrësit në kundërshtim me ligjin.

Referuar dokumentacionit i dyshuari Shullazi zotëron 30% të kësaj prone, e cila shërbeu si shkak që biznesmeni Ylvi Beqja t’i paguajë nën kërcënim grupit kriminal në formën e gjobës shumën prej 500 mijë eurosh.

Krahas personazhit të shumëpërfolur, nën hetim për pastrim parash është edhe biznesmeni Ylvi Beqja, dëshmia e të cilit ishte prova vendimtare për dënimin e Shullazit dhe katër të pandehurve të tjerë.

Për vite me radhë për pronësinë e hotel "Vollgës" u zhvilluan disa procese gjyqësore, mes kompanisë Saudi Brothers dhe shtetasit Zamir Hasa. Në finale, prona, vlera e të cilës shkon mijëra euro, u regjistrua në hipotekën e Durrësit ne emër të kompanisë Saudi Brothers.

Ylvi Beqja pati deklaruar se e kontaktoi Shullazin për t’i dhënë ndihmë për regjistrimin e kësaj prone dhe në këmbim do ti jepte 20% të saj. Por kur tentoi t’ia shiste një personi tjetër, Emiljano Shullazi bashkë me miqtë e tij, kërkuan 30% të sipërfaqes dhe një gjobë në vlerën e gjysmë milioni euro.

/portali DurresLajm/

Na bëni like në facebook!: 

Lajme nga e njëjta kategori

Prokuroria e Tiranës ka marrë nën hetim 8 punonjës të Forcave të Ndërhyrjes së Shpejtë.

Një rast i rëndë kriminal ndodhi në Greqi, ku një gjyshe 89 vjeçe u vra nga disa grabitës, të cilët kishin hyrë në banesën e saj për ta g

Gjykata për Krime të Rënda dëgjoi sot dëshminë e Oltion Lames, në gjyqin që po zhvillohet ndaj ish-bashkëshortes së tij, Marjana Çmeta.

Një grindje për motive banale mes një familje shqiptare dhe një italiane ka çuar në plagosjen me armë zjarri të dy personave.

Një 33-vjeçar shqiptar u gjet i pajetë mëngjesin e kësaj të hëne në Macerata të Italisë.

Një ngjarje e rëndë është shënuar pak më parë në Durrës. Treni ka aksidentuar një person në hyrje të qytetit.

Një shqiptar ka humbur tragjikisht jetën në Itali gjatë një aksidenti me motor të dielën në autostradën A29, Palermo.

Policia ka vënë në pranga një 33-vjeçar të shpallur në kërkim për një ngjarje të ndodhur në shkurt.

Një aksident i frikshëm ka ndodhur në orët e para të mëngjesit të sotëm në Elbasan, fatmirësisht pa persona të lënduar.